قاراعاندىدا ءناۋبات جىلداردى ارقاۋ ەتكەن «قارا ورامال» كىتابىنىڭ تانىستىرىلىمى ءوتتى
اقيىق اقىننىڭ ناۋبەت جىلداردى ارقاۋ ەتىپ، ساياسي قۋعىن- سۇرگىن قۇرباندارىنا ارنالعان «قارا ورامال» ازا داستانى «بولاشاق» باسپاسىنان ورىستىڭ بەلگىلى اقىنى نادەجدا چەرنوۆانىڭ اۋدارماسىمەن ەكى تىلدە جارىق كورىپ، وقىرماندارعا جول تارتقان بولاتىن.
قازىرگى قازاق ولەڭىنىڭ تىڭ ءورىسىن، بۇگىنگىنىڭ ءبۇتىن ءسوزىن كورسەتكەن اتالمىش كىتاپتىڭ تۇساۋىن قازاقتىڭ قازىنالى قارتتارىنىڭ ءبىرى، بەلگىلى قوعام قايراتكەرى قاسىمبەك مەدي ۇلى كەسىپ، اقىنعا شالقار شابىتتار تىلەدى.
وبلىس اكىمىنىڭ ورىنباسارى بەيسەنباي جۇمابەكوۆ، قازاقستان جازۋشىلار وداعى وبلىستىق فيليالىنىڭ ديرەكتورى، اقىن سەرىك اقسۇڭقار ۇلى پوەما- رەكۆيەم جايىندا وردالى وي قوزعاپ، شىرايلى شىعارمانىڭ قۇندىلىعىن ءسوز ەتتى.
ساياسي قۋعىن- سۇرگىن قۇرباندارىن ەسكە الۋ كۇنى قارساڭىندا وتكەن اتالمىش كەشكە عالىم اقىننىڭ قالامداس اعا- باۋىرلارى، ارقا جۇرشىلىعىنا اتى ءمالىم بەلگىلى ونەر مايتالماندارى قاتىستى، دەپ حاباارلايدى وبلىس اكىمىنىڭ باسپا ءسوز قىزمەتى.
