الماتىدا ەلىمىزدگى العاشقى «كەرەمەت» ستۋدەنتتەرگە قىزمەت كورسەتۋ ورتالىعى اشىلدى
حالىققا قىزمەت كورسەتۋ ورتالىقتارىنىڭ جۇمىس ىستەۋ قاعيداتىن ۇستانعان بۇل مەكەمە، ستۋدەنتتەرگە «ءبىر تەرەزە» جۇيەسى بويىنشا قىزمەت كورسەتەدى.
ورتالىقتىڭ اشىلۋ سالتاناتىنا ق ر ءبىلىم جانە عىلىم ءمينيسترى اسلان ءسارىنجىپوۆ، الماتى قالاسىنىڭ اكىمى احمەتجان ەسىموۆ جانە باسقا دا لاۋازىمدى تۇلعالار قاتىستى.
«بۇل ورتالىق قازاقستاندا عانا ەمەس، بۇكىل ت م د ەلدەرى بويىنشا تۇڭعىش رەت اشىلىپ وتىر. مۇندا ستۋدەنتتەر وزدەرىنە قاجەتتى بارلىق قۇجاتتاردى، انىقتامالاردى راسىمدەي الادى. جۇمىس ورىندارىندا ءىس-تاجىريبەدەن، ماشىقتانۋ مەرزىمدەرىنەن ءوتۋ ماسەلەلەرى، سونىمەن قاتار زاڭدىق جانە كاسىبي سۇراقتار بويىنشا جان-جاقتى اقىل-كەڭەستەر الا الادى. ورتالىقتى ءوز الدىنا «سمارت-سيتي» ياعني، «اقىلدى قالا» دەۋگە دە بولادى.
ول 7300 شارشى مەتر جەردى الىپ جاتىر. بەس سەكتوردان تۇرادى. ولار: وقۋ سەكتورى، مەديتسينالىق ورتالىق، ويىن-ساۋىق ورتالىعى، اكىمشىلىك سەكتور جانە الەۋمەتتىك سەكتور. اتاپ وتەر بولسام، مۇندا كينوتەاتر، نوتاريۋس، بانك، اۋە جانە تەمىر جول كاسسالارى، سۋپەرماركەت، سۇلۋلىق سالونى، كىر جۋاتىن ورىندار جانە كىتاپ دۇكەندەرى جۇمىس ىستەيدى. ورتالىق 20 مىڭعا جۋىق ستۋدەنت پەن 5 مىڭداي وقىتۋشى قۇرامىنا قىزمەت كورسەتۋگە لايىقتالعان.
الداعى قىركۇيەك ايىنا قاراي تولىقتاي پايدالانۋعا بەرىلەدى. ەگەر بولاشاقتا ورتالىقتىڭ قۋاتى ۇلعايىپ جاتسا، قالاداعى باسقا دا جوعارى وقۋ ورىندارىنىڭ ستۋدەنتتەرىنە قىزمەت كورسەتەتىن بولامىز. بۇل ورتالىق - رەكتورىمىزدىڭ يدەياسى!» - دەدى ءوز سوزىندە وسى «كەرەمەت» ستۋدەنتتەرگە قىزمەت كورسەتۋ ورتالىعىنىڭ ديرەكتورى سايران باياندينوۆا.
ءبىر ايتا كەتەتىن جايت، ورتالىق ىشىندە زاماناۋي مەديتسينالىق قۇرالدارمەن جابدىقتالعان جاڭا مەديتسينالىق دياگنوستيكالىق ورتالىق بار. بۇل وڭتۇستىك كورەياداعى سەۋل ۇلتتىق ۋنيۆەرسيتەتىمەن اراداعى ستراتەگيالىق كەلىسىمشارت اياسىندا جۇزەگە اسقان جوبا. مۇندا ستۋدەنتتەرگە تەگىن، وقىتۋشىلىق قۇرامعا بەلگىلى ءبىر جەڭىلدىكپەن قىزمەت كورسەتىلەدى.
اۆتور: جاپپاربەرگەن ايبوتا
