ءۇش كۇندىك ورازا قايدان شىققان؟
ولار ونى قايدان شىعارىپ ءجۇر؟ ال ءوزىم، كەرىسىنشە، ورازادان بولەك، باسقا كەزدە دە اۋىز بەكىتۋگە بولاتىنى جايلى ەستىدىم. ولاردىڭ تالاپ- شارتتارى قالاي جانە ونى قاي كەزدە ورىنداعان دۇرىس؟ اسحات قامبار ۇلى، استانا قالاسى
ورازا نەگىزى التى بولىمگە بولىنەدى:
1.پارىز ورازا - رامازان ايىنىڭ ورازاسى، قازاسى جانە كاففارات (جازا) ورازاسى.
2. ءۋاجىپ ورازا - بۇزىلعان ءناپىل ورازانىڭ قازاسى مەن ءنادىر ورازاسى.
3. سۇننەت ورازا - مۋحاررام ايىنىڭ 9-10- كۇندەرى ۇستالاتىن ورازا.
4. مۋستاحاب ورازا - بۇل ءار ايدا ءۇش كۇننەن تۇتىلاتىن ورازا. ءسىز سۇراپ وتىرعان رامازان ايىنىڭ ءار كەزىندە «ءۇش كۇندىك ورازا تۇتۋدى» العا تارتۋشىلار، بالكىم، وسى مۋستاحاب ورازامەن شاتاستىرىپ وتىرسا كەرەك.
5. ءناپىل ورازاسىن ءار مۇسىلمان بالاسىنىڭ اپتانىڭ دۇيسەنبىسى مەن بەيسەنبىسىندە ورىنداي بەرۋىنە بولادى.
6. ماكرۋھ ورازا، ياعني ۇستاۋعا بولمايتىن كەزدەر. وعان ورازا ايتتىڭ العاشقى كۇنىن، قۇربان ايتتىڭ ءۇش كۇنىن جاتقىزۋعا بولادى.
ورازانىڭ ەڭ باستى شارتى - نيەت. ولاي بولسا، وسى ورايدا تۇننەن نيەت ەتۋ پارىز بولىپ تابىلاتىن ورازا جايىندا دا ايتا كەتكەنىمىز ءجون. رامازان ايىنىڭ ورازا قازاسىن وتەگەندە ناپىلدەن بۇزىلعان جانە ءسوز بەرىلگەن ورازالارعا تۇننەن نيەت ەتۋ پارىز. ال رامازان ورازاسىندا تۇننەن نيەت ەتۋ شارت ەمەس.
«الاش ايناسى»
