08:49, 30 - مامىر 2014 | GMT +5
رونالدۋ جاراقات الۋى سەبەپتى ءا چ توپتىق تۋرنيرىنە قاتىسپاۋى مۇمكىن
استانا. قازاقپارات - ۇلتتىق قۇراما ساپىندا الەم بىرىنشىلىگىنە دايىندالىپ جاتقان پورتۋگاليالىق شابۋىلشى كريشتيانۋ رونالدۋ جاراقاتتانىپ قالدى، دەپ جازادى football.sport-express.ru.
ونىڭ جامباسى اۋىرسىنا بەرگەندىكتەن قازىرگى ساتتە ساۋىقتىرۋ كۋرسىن الىپ جاتىر. «رەالدىڭ» فورۆاردى پلەي-وف كەزەڭىنە ساقاداي ساي بولۋ ءۇشىن الەم چەمپيوناتىنىڭ توپتىق كەزدەسۋلەرىنە قاتىسپاۋى مۇمكىن دەگەن قاۋىپ بار.
پورتۋگالدىقتار G توبىندا گەرمانيا، گانا جانە ا ق ش قۇراماسىمەن باق سىناسادى. پاۋلۋ بەنتۋ شاكىرتتەرى العاشقى كەزدەسۋىن 16-ماۋسىمدا نەمىستەرگە قارسى وتكىزۋگە ءتيىس.
