تىم ەرەكشە سۋىق قارۋلار

استانا. قازاقپارات - قاي زاماندا بولماسىن قايشىلىقتاردى شەشۋ، قورعانۋ، شابۋىل جاساۋ قۇرالى - قارۋ بولىپ تابىلادى.

قارۋلاردىڭ تۇرلەرى وتە كوپ. ال تومەندە كەلتىرىلەتىن مىسالدار - سۋىق قارۋلاردىڭ تاريحتاعى وتە ەرەكشە تۇرلەرى.

1. كاتار - ەجەلگى ءۇندى تايپالارىنىڭ قارۋى. باستى ەرەكشەلىگى - وتكىرلىگى مەن مىقتىلىعى. سىرت كوزگە قاراعاندا ءبىر عانا ۇشكىر قانجار سەكىلدى. ال سابىنداعى تەتىكتى باسقاندا، ءبىر مەزەتتە ءۇش قانجارعا اينالادى. ءوزىنىڭ وتكىرلىگىمەن قويماي، بۇل قانجار قارسىلاستى ءاپ - ساتتە قورقىنىشقا سوقتىرادى. « Х - ادامدار» فيلمىندەگى روسساماحانى ەسكە ءتۇسىرىپ كورەيىك.

 

2. ارا بۇلتى - ەجەلگى قىتاي مەحانيزمى. سىرت كوزگە قاراعاندا 6 بۇرىشتى اعاش جاشىككە ۇقسايدى. ال، جاشىكتىڭ الدىنان قاراعانداعى كورىنىسى ارانىڭ ۇياسىن ەلەستەتەدى. قارۋدىڭ ەرەكشەلىگى - ءبىر قولدانعاننان، شامامەن، 32 جەبەگە دەيىن اتا الادى. ەندىگى جەردە، قىتاي حالقىنىڭ سانىن، ءار قايسىسىندا ءبىر - ءبىر قارۋدان بارىن ەلەستەتىپ كورەيىك. راسىندا دا «ارا بۇلتى» بولار ەدى.

 

 3. چۋ كو نۋ - تاعى دا ءبىر قىتاي قارۋى. سىر كوزگە اربالەتتى ەلەستەتەدى. ءبىراق، ول وتە ەرەكشە. قاۋدىڭ ۇستىندەگى تاقتايشالاردىڭ اراسىندا ون شاقتى جەبە ورنالاسقان. اربالەت ادىرناسىن كەرى تارتقاندا وقتالا قويادى. بىلاي قاراساق، قازىرگى مەرگەندەر مىلتىعى سەكىلدى. قاقتىعىس كەزەڭىندەگى قاربالاستا جاۋىنگەرگە اسا زور مۇمكىندىك بەرەتىن قارۋ.

 

 4. چاكرام - ەجەلگى ءۇندى مەملەكەتىندە پايدا بولعان قارۋ ءتۇرى. سىرت كوزگە شەڭبەردى ەلەستەتەدى. ءبىراق، وتكىرلىگى سونشالىقتى قارسىلاس مۇشەسىن جۇلىپ اكەتەر قۋاتى بولعان. كوبىنەسە ونى تىگىنەن لاقتىرعان. ال «جاۋىنگەرلەر پاتشايىمى - زەنا» فيلمىندە كولبەۋ لاقتىرادى، جانە دە بۋمەرانگ سەكىلدى قايتىپ كەلەدى. دەرەك كوزدەرىندە ديامەترى 30 س م شاماسىندا كورسەتىلەدى.

 

 5. يىلگەن سەمسەرلەر - قىتايدىڭ شاولينيا جاۋىنگەر مەكتەپتەرىندە پايدا بولعان قارۋ. قارۋدىڭ قارۋى. سەمسەردىڭ باس جاعى ءسال يىلگەن، ىلمەكتى ەسكە تۇسىرەدى. ال سابىنىڭ ۇشى كەرىسىنشە - ۇشكىر. بۇل قارۋدىڭ ەرەكشەلىگى - قارسىلاستان قورعانا وتىرىپ - شابۋىلداۋ بولىپ تابىلادى. ال ىلمەكتەرى - قارسىلاستى جىعۋ نەمەسە قارۋسىزداندىرۋ ءۇشىن پايدالانىلعان.

blogtime.kz