اۋىرمايدى، جۇرەك، اۋىرمايدى

استانا. قازاقپارات - ءبىر قۋانىش، ءبىر قايعى. ءتانىمىزدىڭ نە قالايتىنىن ءارقاشان بىلسەك تە، كەيدە جانىمىزدىڭ نە قالايتىنىن بىلە بەرمەيمىز...

 ۇجىمداعىلداردى بىلمەيمىن... بۇل كۇن وزىمە اۋىرلاۋ ءتيدى.

وتكەنگە ويشا ورالۋ وسىنشالىقتى اۋىر ەكەنىن بۇرىن بايقاماعان دا ەكەنمىن.

ونىڭ ۇستىنە، ءوزىڭنىڭ وتكەنىڭ ەمەس، ەلىڭنىڭ تاريحىنا كوز جۇگىرتۋ نەتكەن قيىن ەدى... قايران، قازاق...

31 - مامىر. بۇل كۇن اشارشىلىق پەن ساياسي قۋعىن-سۇرگىن قۇرباندارىن ەسكە الۋ كۇنى. 1930 - جىلدارى كەڭەس وداعىنىڭ قۇرامىندا بولعان قازاقستاندا 103 مىڭ ادام قۋعىن-سۇرگىنگە ۇشىراعان جانە 25 مىڭ ادام اتۋ جازاسىنا كەسىلگەن.

وسى جىلدارى قازاقستاندىق عىلىم، مادەنيەت جانە ساياسات سالاسىنىڭ زيالى قاۋىم وكىلدەرى اتىلعان.

جالپى 1930-1953 - جىلدارى ارالىعىندا 40 ميلليوننان استام كەڭەس ازاماتتارى رەپرەسسياعا ۇشىراعان. اسىرەسە بۇل زاڭسىز جازالاۋعا كەڭەس وداعى قۇرامىندا بولعان بارلىق حالىقتار مەن ۇلتتاردىڭ بەتكە ۇستار ينتەلەگەنسيا(زيالى) وكىلدەرى.

وسى كەزەڭدە قازاقتاردىڭ 40 پايىزى قازا تاپقان. ال قازاقستان اۋماعىندا ورنالاسقان لاگەرلەرگە كورەيلەر، پولياكتار، ەدىل نەمىستەرى، قىرىم تاتارلارى، كاۆكاز حالىقتارى جانە باسقا دا ۇلت وكىلدەرى قونىس اۋدارىلىپ كەلگەن.

مۇنى مەن ايتپاسام دا، بارشاڭىز جاقسى بىلەسىزدەر. تاريح مامانى ەمەسپىن. دەسە دە حالقىمنىڭ تاريحى مەن ءۇشىن ماڭىزدى ءارى قۇندى. وسى كۇندى ەلەۋسىز قالدىرمايىق دەپ ۇجىمىمىزدا شاعىن دوڭگەلەك ۇستەل وتكىزدىك.

ناعاشىباي ەسمىرزا، ەركىن راقىشيەۆ، رامازان قۇرمانبايەۆ اعالارىمىز بۇل كۇننىڭ ماڭىزدىلى تۋرالى ايتا كەلە جينالعان جاستارمەن پىكىر الماسا وتىرىپ، سۇراقتارعا تولىقتاي جاۋاپ بەرۋگە تىرىستى.

ال قاشاندا ءسوزىن تىڭداتا بىلەتىن رەداكتورىمىز داۋرەن بابامۇراتوۆ سويلەگەندە ءتىپتى جان-دۇنيەڭدى تەبىرەنتىپ جىبەرەدى.

ايتقىم كەلىپ وتىرعانى، جۇمىسىما جارناما ەمەس. تەك بۇل تاريحي كۇننىڭ ماڭىزدىلىعى، بۇگىنگى جاستاردىڭ تاريح پەن بۇگىندى بايلانىستىرا الۋى ماڭىزدى.

وسى جيىن بارىسىندا ماعان ءبىر وي كەلدى. سىزدەرگە قۇپيا رەتىندە ايتايىن)) ساياسي- قۋعىن سۇرگىن قۇرباندارىن ەسكە الۋ كۇنىندە ءبىز بارىنشا ءوز دەڭگەيىندە وتكىزۋگە تىرىسىپ جاتقاندا، ەرتەڭ ەلىمىزدە تاعى دا ماڭىزدى كۇن بولماق.

تاعى دا «وداققا قول قويۋ» دەگەن جىر باستالدى. وداققا قول قويىپ الىپ، بۇگىنىمىز بەن ەرتەڭىمىزدى دە تاريح قويناۋىنا «لاقتىرىپ» جىبەرىپ، وتىرا بەرەمىز-اۋ...

كەيىرىنەك، 29 - مامىر وداققا قول قويىپ، بولاشاعىمىزعا بالتا شاپقان كۇن دەپ ەسكە الىپ وتىرماسىمىزعا كىم كەپىل؟

مەن تاۋەلسىز ەلدىڭ قۇرداسىمىن! ەرتەڭ وسى كۇندەر تۋرالى بالا-شاعاما، ۇرپاعىما نە ايتاتىنىمدى ويلاسام، ۇياتتان ورتەنىپ كەتە جازدايمىن...

 

blogtime