ەلباسى: استانا - ەۋرازيالىق ەكونوميكالىق وداقتىڭ بەسىگىنە اينالىپ وتىر
«ەۋرازيالىق ەكونوميكالىق وداق قۇرۋ تۋرالى تاريحي اكتىنىڭ تاۋەلسىز قازاقستاننىڭ جاڭا ەلورداسى استانا تورىندە قول قويىلۋىنىڭ سيمۆوليكالىق ءمانى بار. استانا ەۋرازيا كەڭىستىگىنىڭ جۇرەگىندە ورنالاسقان. ەلوردا - قازىرگى زامان مەملەكەتتەرى اراسىنداعى ەڭ جاس استانا. سوعان قاراماستان استانانىڭ حرونولوگياسى حالىقارالىق وقيعالاردىڭ جارقىن بەتتەرىنە تولى»، - دەپ اتاپ ءوتتى ن. نازاربايەۆ.
بۇل رەتتە مەملەكەت باسشىسى استانادا الەمدىك دىندەر باسشىلارىنىڭ سەزى، ە ق ى ۇ مەن ش ۇ ى سامميتتەرى وتكەندىگىن، يسلام ىنتىماقتاستىق ۇيىمىنىڭ القالى جيىندارى وتكەندىگىن اتاپ ءوتتى. استانادا ەكسپو-2017 حالىقارالىق كورمەسى وتەتىنىنە دە نازار اۋداردى.
«قازاقستان ەۋرازيالىق ينتەگراتسيانى ىلگەرىلەتۋگە تاريحي ۇلەس قوسىپ وتىر. ءدال وسى جەردە عاسىر باسىندا ەۋرازيالىق ەكونوميكالىق قاۋىمداستىق قۇرىلدى، ءبىزدىڭ ينتەگراتسيالىق ۇدەرىسىمىز ءۇشىن ءبىرقاتار ماڭىزدى قادامدار جاسادى. سوندىقتان دا، استانانىڭ ەۋرازيالىق ەكونوميكالىق وداقتىڭ بەسىگىنە اينالۋى دا زاڭدى»، - دەدى ن. نازاربايەۆ.
