قازاقستان، رەسەي مەن بەلارۋس اراسىنداعى ەۋرازيالىق ەكونوميكالىق وداق تۋرالى شارتقا قول قويىلدى
سالتاناتتى قول قويۋ راسىمىنە ءۇش ەلدىڭ زيالى قاۋىم جانە قوعامدىق ۇيىم وكىلدەرى، پارلامەنت دەپۋتاتتارى قاتىستى.
اتالعان وداق تۋرالى شارت 2015 - جىلدىڭ 1 - قاڭتارىنان باستاپ كۇشىنە ەنەدى. شارت حالىقارالىق ۇيىمدارعا ءتان بازالىق اسپەكتىلەر، مەملەكەتتەردىڭ ەگەمەندىك تەڭدىگى، اۋماقتىق تۇتاستىعى، سونداي- اق وداققا مۇشە مەملەكەتتەردىڭ ساياسي قۇرىلىمىنىڭ ەرەكشەلىگىن قۇرمەتتەۋ قاعيداتتارى كورىنىس تاپقان.
شارتتا شەشىم قابىلداۋ كەزىندەگى كونسەنسۋس مەحانيزمى بارلىق دەڭگەيدە ەسكەرىلگەن. سونىمەن قاتار، تاراپتاردىڭ وداق ورگاندارىنداعى كادر ساياساتى اياسىندا تەڭ قامتىلۋى قاعيداتى دا قاراستىرىلعان.
ە ا ە و 170 ميلليون حالىقتى قۇرايتىن ءۇش ەلدىڭ ورتاق نارىعىن قۇرۋدى قاراستىرىپ وتىر. تاۋارلاردى، قىزمەت تۇرلەرىن، كاپيتال مەن جۇمىس كۇشىن ەركىن تاسىمالداۋعا جاعدايلار جاسالادى. سونىمەن بىرگە، مۇشە مەملەكەتتەر ەكونوميكانىڭ نەگىزگى سالالارىندا كەلىسىلگەن ساياساتتى جۇزەگە اسىرۋدى قولعا الادى.
اۆتور: قانات مامەتقازى ۇلى 
