ەۋرازيالىق ەكونوميكالىق وداق حالىقتىڭ يگىلىگىنە اينالۋى كەرەك - ق ر پرەزيدەنتى

استانا. قازاقپارات - ەۋرازيالىق ەكونوميكالىق وداق حالىقتىڭ يگىلىگىنە اينالۋى كەرەك. بۇگىن استاناداعى تاۋەلسىزدىك سارايىندا مەملەكەت باسشىلارى دەڭگەيىندەگى جوعارى ەۋرازيالىق ەكونوميكالىق كەڭەستىڭ وتىرىسى بارىسىندا قازاقستان پرەزيدەنتى ن. نازاربايەۆ وسىلاي مالىمدەدى.

 «بۇگىنگى تاڭدا ءبىزدىڭ ستراتەگيالىق ارەكەتتەرىمىزدى ايقىنداپ، 20- 15  جىلعى الداعى كەلەشەك كوكجيەككە كوز جۇگىرتكەنىمىز ورىندى. ءبىزدىڭ وداقتىڭ 21 - عاسىردىڭ ءبىرىنشى جارتىسىنداعى باستى ميسسياسى ەكى ماڭىزدى اسپەكتىدەن تۇرادى. بىرىنشىدەن، الەمنىڭ باستى ماكرو ەكونوميكالىق وڭىرىنە اينالۋ. بۇل بىزگە باتىس پەن شىعىس، ەۋروپا مەن ازيا اراسىنداعى گەو ەكونوميكالىق كوپىر رەتىندەگى شىنايى باسەكەلەستىكتە باسىمدىق بەرەدى» ، - دەدى نۇرسۇلتان نازاربايەۆ.

 ەكىنشىدەن، بۇل ءاربىر قاتىسۋشى مەملەكەتكە دامىعان ەلدەردىڭ قاتارىنا ەنۋىن قامتاماسىز ەتەدى.

«ەۋرازيالىق ەكونوميكالىق وداق - بۇل ماسىلدىق ەمەس، حالىقتىڭ جانە ءبىزدىڭ ۇلتتىق ەكونوميكامىزدىڭ يگىلىگىنە اينالۋى كەرەك» ، - دەپ اتاپ ءوتتى ن. نازاربايەۆ.

 «ەۋرازيالىق ەكونوميكالىق وداقتىڭ الەۋەتى بارىنشا جوعارى. ءبىز بۇل رەتتە ەۋرازيالىق ەكونوميكالىق وداق ەلدەرىنىڭ جيىنتىق ەكونوميكالىق اۋقىمى 2,2 ترليون دوللاردى قۇرايدى. ال پەرسپەكتيۆادا ينتەگراتسيالىق تيىمدىلىك ناتيجەسىندە 2030 - جىلعا قاراي ىشكى جالپى ءونىمنىڭ جيىنتىق ءوسىمى 900 ميلليارد دوللار بولادى دەپ بولجانادى» ، - دەدى ن. نازاربايەۆ.

 ەلباسىنىڭ ايتۋىنشا، ەۋرازيالىق ەكونوميكالىق وداق قاتىسۋشى ءاربىر تاراپتىڭ تەڭ قۇقىقتىلىق، ماقساتقا سايكەستىلىك مۇددەسىنە ساي قۇرىلاتىن بولادى.

 ەسكە سالا كەتەيىك، وتىرىستىڭ كەڭەيتىلگەن قۇرامداعى كەزدەسۋىنە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ، رەسەي فەدەراتسياسىنىڭ پرەزيدەنتى ۆلاديمير پۋتين، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو جانە ارمەنيا پرەزيدەنتى سەرج سارگسيان مەن قىرعىز رەسپۋبليكاسىنىڭ پرەزيدەنتى المازبەك اتامبايەۆ قاتىسۋدا.

اۆتور: قانات مامەتقازى ۇلى