ءبىز ەۋرازيالىق ەكونوميكالىق وداق قۇراتىن مارەگە جەتتىك - ا. لۋكاشەنكو
ءبىز بىرلەسىپ، بىرنەشە جىل بويى ەۋرازيالىق ينتەگراتسيانىڭ ازاپتى جولىنان وتتىك. ءاربىر قادام وڭاي بولعان جوق. دەگەنمەن، ءبىزدىڭ حالقىمىز بەيبىتشىلىك پەن دوستىقتا ءومىر ءسۇرىپ، ولاردىڭ مەملەكەتتەرى ءوزارا ءتيىمدى ىنتىماقتاستىقتىڭ مىعىم نەگىزىندە جۇزەگە اسىرىلاتىندىعىنا نىق سەنىمدى بولۋىنا نەگىزدەلگەن باستى ماقساتىمىزدى كورە بىلدىك» ، - دەدى ول ءوز سوزىندە.
ا. لۋكاشەنكونىڭ اتاپ وتۋىنشە، قازاقستان، بەلارۋس جانە رەسەيدىڭ تاڭداعان جولىنىڭ دۇرىستىعىن ءومىر كورسەتىپ وتىر. پوستكەڭەستىك كەڭىستىكتەگى ەلدەردىڭ دەزينتەگراتسيالانۋىنا جول بەرمەۋ ءۇشىن تاۋەلسىز مەملەكەتتەر دوستاستىعى قۇرىلدى.
«ودان كەيىن ە ۋ ر ا ز ە ق- تى، كەدەن وداعىن قۇردىق، ءبىرىڭعاي ەكونوميكالىق كەڭىستىك كونتۋراسىن بەلگىلەدىك. بۇگىن ءبىز ەۋرازيالىق ەكونوميكالىق وداققا اكەلەتىن تىكەلەي مارەگە جەتىپ وتىرمىز» ، - دەدى بەلارۋس پرەزيدەنتى.
ونىڭ اتاپ وتۋىنشە، ەۋرازيالىق ەكونوميكالىق وداق قۇرۋ جولى وتە اۋىر ءارى ۇزاق بولىپ، كوپتەگەن قارسىلاستار باتىستا، تاياۋ شەت ەلدەردە پايدا بولدى. «ءتىپتى، ءبىزدىڭ ەلدەرىمىزدىڭ ىشىندە دە وندايلار بولدى، ولاردان بولەك، اسىرەسە ليبەرالدى كوزقاراستى مەملەكەتتىك تۇلعالار مەن شەنەۋنىكتەر اراسىنان قارسىلاستار شىقتى. بىزدەرگە قانشاما ايىپتاۋلار مەن نارازىلىقتاردى ەستۋگە تۋرا كەلدى. ينتەگراتسيا - بۇل كەڭەستىك يمپەريانى قالپىنا كەلتىرۋ، بۇل ەگەمەندىكتەن ايىرىلۋ، بۇل باسقا تۇسكەن اۋىرتپالىق دەگەندەر بولدى» ، - دەدى ول.
«بۇل حالايىققا مىنانى ايتقىم كەلەدى: اقىلعا كەلىڭىزدەر، مىرزالار! ءبىز رەسەي، قازاقستانمەن بىرلەسكەن تەڭ قۇقىلى پروتسەستىڭ قاتىسۋشىلارىمىز. بۇل ءبىزدىڭ دوستىق وداعىمىز» ، - دەدى ول.
ونىڭ سوزىنە قاراعاندا، ءۇش مەملەكەت تە ە ا ە و تۋرالى كەلىسىمشارتقا قول قويۋعا سانالى تۇردە قادام باسىپ وتىر. وندا بارلىق مەملەكەتتەر ءوز مۇددەلەرىن بارىنشا قورعادى. سەرىكتەسىنىڭ ۇستانىمىنا دا قۇرمەتپەن قارادى. قۇجاتتارعا تىڭعىلىقتى ساراپتاما جۇرگىزىپ، ونىڭ وڭ تۇستارىن اتاپ ءوتتى.
اۆتور: مارلان جيەمباي
