ەۋرازيالىق ەكونوميكالىق وداق تۋرالى شارتقا قول قويۋ تاريحي ماڭىزعا يە - ۆلاديمير پۋتين

 استانا. قازاقپارات - ەۋرازيالىق ەكونوميكالىق وداق تۋرالى شارتقا قول قويۋ تاريحي ماڭىزعا يە. بۇگىن استاناداعى تاۋەلسىزدىك سارايىندا مەملەكەت باسشىلارى دەڭگەيىندەگى جوعارى ەۋرازيالىق ەكونوميكالىق كەڭەستىڭ وتىرىسى بارىسىندا ر ف پرەزيدەنتى ۆلاديمير پۋتين وسىلاي مالىمدەدى.

«ءبىزدىڭ بۇگىنگى كەزدەسۋ تاريحي ماڭىزعا يە. قازاقستان، رەسەي جانە بەلارۋس ەۋرازيالىق ەكونوميكالىق وداق تۋرالى شارتقا قويادى. بۇل قۇجات مەملەكەتتەردىڭ ەگەمەندىگىن ساقتاي وتىرىپ، ءبىزدىڭ ەلدەردى ينتەگراتسيانىڭ جاڭا دەڭگەيىنە شىعارادا» ، - دەدى ۆ. پۋتين.

وسى ورايدا ر ف پرەزيدەنتى ە ا ە و- نى قۇرۋ اياسىندا تىعىز ءارى ۇيلەسىمدى ەكونوميكالىق ىنتىماقتاستىق قامتاماسىز ەتىلىپ وتىرعاندىعىن اتاپ ءوتتى.

«شارتقا قول قويۋ ءراسىمى قازاقستان استاناسىندا ءوتىپ جاتقانى سيمۆولدىق مانگە يە. سەبەبى، ەۋرازيالىق وداق يدەياسىنىڭ باسىندا نۇرسۇلتان ءابىش ۇلى نازاربايەۆ تۇرعانى بەلگىلى. 1994 - جىلى ماسكەۋ مەملەكەتتىك ۋنيۆەرسيتەتىندەگى ءدارىسى بارىسىندا قازاقستان پرەزيدەنتى وسى يدەيانى العاش رەت جاريا ەتكەن بولاتىن» ، - دەدى ۆ. پۋتين.

«وسىنىڭ بارلىعى ءبىزدىڭ بىرلەستىكتىڭ باسەكەگە قابىلەتتىلىگىنىڭ، ونىڭ كۇردەلى جانە تەز وزگەرەتىن الەمدە قارقىندى دامۋدىڭ كەپىلى ەكەنىن كورسەتەدى. ەۋرازيالىق ەكونوميكالىق وداق بارلىعىنا تۇسىنىكتى امبەباپ اشىق ۇستانىمدارمەن جۇمىس ىستەيتىندىگىن ايرىقشا اتاپ وتكىم كەلەدى. ونىڭ ىشىندە دۇنيە جۇزىلىك ساۋدا ۇيىمىنىڭ نورمالارى مەن ۇستانىمدارى نەگىزىندە. ەۋرازيالىق ەكونوميكالىق وداق تۋرالى كەلىسىم قول قويۋعا تولىعىمەن دايار. بۇل - ءبىزدىڭ بىرلەسكەن جۇمىسىمىزدىڭ، قازاقستان، رەسەي جانە بەلارۋس ۇكىمەتتەرىنىڭ تىعىز ءوزارا ءىس- قيمىلىنىڭ ناتيجەسى» ، - دەپ ءتۇيدى ۆ. پۋتين.

 ونىڭ سوزىنە قاراعاندا، گەگرافيالىق جاعداي ءۇش ەلگە وڭىرلىك جانە جاھاندىق ماڭىزداعى كولىكتىك- لوگيستيكالىق باعدارلاردى قۇرۋعا مۇمكىندىك بەرەدى. بۇل تۇرعىدا ەۋروپا مەن ازيانىڭ اۋقىمدى ساۋدا- ساتتىعىنا ارالاسۋعا جاعداي جاسالادى

«بۇگىن ءبىز ەكونوميكالىق دامۋدىڭ قۋاتتى ءارى تارتىمدى ورتالىعىن، 170 ميلليوننان استام ادامدى قامتىپ وتىرعان وڭىرلىك ءىرى نارىقتى قۇرامىز. ءبىزدىڭ وداق اۋقىمدى تابيعي رەسۋرستاردىڭ قورىن يەلەنىپ وتىر، ونىڭ ىشىندە ەنەرگەتيكالىق رەسۋرستار. وسى ورايدا گازدىڭ الەمدىك قورىنىڭ بەستەن ءبىر بولىگى جانە مۇناي قورىنىڭ 15 پايىزعا جۋىق كولەمى ە ا ە و- نىڭ ۇلەسىندە» ، - دەدى ر ف باسشىسى.

 سونىمەن قاتار ۆ. پۋتين ءۇش ەلدە بۇگىندە ونەركاسىپ، يندۋستريالدىق بازا، قۋاتتى كادرلىق زياكەرلىك جانە مادەني الەۋەت بار ەكەندىگىن اتاپ ءوتتى.

اۆتور: رۋسلان عابباسوۆ