ەۋرازيالىق ەكونوميكالىق وداق تۋرالى شارتتا تىلدىك قاعيداتتار كەمسىتۋشىلىككە ۇشىرامايدى - ق ر پرەزيدەنتى
«ەۋرازيالىق ەكونوميكالىق وداق اياسىنداعى بارلىق حالىقارالىق كەلىسىمدەر، كوميسسيانىڭ مىندەتتى سيپاتتاعى كۇشى بار بارلىق شەشىمدەرى ورىس تىلىندە قابىلدانادى. ءبىز وسىلاي كەلىستىك. دەگەنمەن، ونداي قۇجاتتار بىردەن تاراپتاردىڭ ءارقايسىسىنىڭ مەملەكەتتىك تىلدەرىنە اۋدارىلاتىن بولادى. سوندىقتان دا تىلدىك پرينتسيپتەر بويىنشا دا ەشقانداي كەمسىتۋشىلىكتەر ورىن المايدى» ، - دەدى ق ر پرەزيدەنتى ن. نازاربايەۆ.
بۇدان بولەك، مەملەكەت باسشىسى ەۋرازيالىق ەكونوميكالىق وداق تۋرالى شارتتىڭ قاتىسۋشى- مەملەكەتتەر حالقىنىڭ ءومىر ساپاسىن ارتتىرۋعا، جۇرتشىلىقتىڭ احۋالىن كوتەرۋگە باعىتتالعانىن اتاپ ءوتتى.
«ەۋرازيالىق ەكونوميكالىق وداقتىڭ قۇرىلۋى ءبىزدىڭ ەكونوميكامىزدى جان- جاقتى جاڭعىرتۋدىڭ قۋاتتى ىنتالاندىرۋ تەتىگىنە اينالاتىنىنا، ەلىمىزدى الەمنىڭ جەتەكشى مەملەكەتتەر قاتارىنا كوتەرىلۋىنە سەپتىگىن تيگىزەتىنىنە سەنىمدىمىن» ، - دەدى ەلباسى.
ەسكە سالا كەتەيىك، وتىرىستىڭ شاعىن قۇرامداعى كەزدەسۋىنە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ، رەسەي فەدەراتسياسىنىڭ پرەزيدەنتى ۆلاديمير پۋتين جانە بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو قاتىسۋدا.
اۆتور: قانات مامەتقازى ۇلى
