قازاقستاندىق نارىقتان قالاي كولىك ساتىپ الۋعا بولادى؟
سوندا دا كوڭلىمنەن شىعاتىن كولىكتى جولىقتىرا قويمادىم. كوڭىلدەن شىعاتىنى بار- اۋ ءبىراق باعاسى تىم قىمبات كورىندى ماعان. سەبەبى، ونداي كولىكتەردىڭ جىلى ەسكى نەمەسە اقاۋى بار بولىپ شىعا بەردى. ال مەنىڭ جوسپارىم قۇنى 10-13 مىڭ دوللارعا پارا- پار، جاعدايى وتە جاقسى كولىك الۋ ەدى.
ال كولىك بازارىنداعى جاڭا دەگەن كولىكتىڭ ءوزى زاۋىتتان 2007-2008 - جىلدارى شىققان، دۆيگاتەلىنىڭ كۇش قۋاتى 1,6-1,8, ءار قايسىسىنىڭ ءجۇرىپ وتكەن قاشىقتىعى 80 مىڭنان 130 مىڭعا تەڭ (بىلگىشتەردىڭ ايتۋىنشا قازاقستانعا كەلىپ جاتقان كولىكتەردىڭ ءجۇرىپ وتكەن قاشىقتىعىن كورسەتەتىن ەسەپتەۋىش قۇرالدارى كەرى اينالدىرىلادى ەكەن) كولىكتەردىڭ ەڭ ارزانىن 12-14 مىڭ ا ق ش دوللارىنا باعالانعان. وعان اقپان ايىنداعى بارشا حالىقتى دۇرلىكتىرگەن ديەۆالۆاتسيانى قوسىڭىز (تەڭگەمىز قۇنسىزدانىپ، دوللار كوتەرىلگەن شاق) ءتورت بالانىڭ اكەسى، بالالارىمنىڭ الدى ستۋدەنت (جىلىنا 500 مىڭ تەڭگەگە اقىلى بولىمدە وقيدى) ، 150 مىڭ تەڭگە ايلىعى بار مەن ءۇشىن مۇنداي كولەمدەگى قارجىنى جيناۋ وڭايعا تۇسپەگەنىن ءتۇسىنىپ وتىرعان بولارسىز. ونىڭ ۇستىنە مەن الماتىدا تۇرامىن، كوممۋنالدىق قىزمەتتەر ءۇشىن دە اي سايىنعى بەرەتىن اقشا دا از ەمەس (كەمى 30-40 مىڭ) . ودان بولەك مەندە دە كوپ قازاقتىڭ باسىنداعىداي كرەديت تە بار، توي دا بار، ءولىم- ءجىتىم دە بار دەگەندەي.. .
اقىرى كولىك الادى ەكەنمىن ءوزى بۇزىلمايتىن، ءوزى ارتىق شىعىندى تالاپ ەتپەيتىن، تەحنيكالىق بايقاۋدان جىل سايىن ءوتىپ اۋرە- سارساڭعا سالمايتىن جانە سالىعى وتە از جاڭا كولىكتى نەگە تىزگىندەمەسكە دەگەن وي كەلدى ماعان.
سودان مەن الار كولىگىمدى ينتەرنەتتەن قايتا ىزدەۋگە كىرىستىم. ويىم ساپاسى تىم جوعارى بولماسا دا، وتاندىق كولىكتى الۋ ارقىلى قازاقستاندىق كولىك ءوندىرىسىنىڭ دامۋىنا تيتەي دە بولسا كومەگىمدى تيگىزۋ. بىرىنەن سۇراپ، بىرىمەن اقىلداسىپ جۇرگەنىمدە، مەنىڭ جاڭا كولىك ىزدەپ جۇرگەنىمدى بۇكىل ۇجىم ەستىدى. ساتىپ الار كولىكتى ولار دا مەنىمەن قوسا ىزدەۋگە كىرىستى. جاڭا كولىك ىزدەپ جۇرگەنىمدە ارادا تاعى ءبىر اي وتە شىققانىن بايقاماي قالدىم. تەك قوستانايدا قۇراستىرىلاتىن «شانس» كولىگى (بۇل كولىكتىڭ قۇنى 9-11 مىڭ دوللار ارالىعىندا) بولماسا. ونى الماعان سەبەبىم ول كولىك تىم تار، ءارى ديزاينى وتە قاراپايىم ەكەن. ودان بولەك قوستانايدا شىعارىلاتىن SsangYong-تىڭ باعاسىن سۇراستىرسام 26 مىڭنان باستالادى ەكەن. ال وسكەمەندە قۇراستىرىلاتىن «KIA», «Chevrolet» пен «SKODA» ماركالى كولىكتەردىڭ اۆتومات كوروپكاسى بارىن (ۇلكەن قالالارداعى كەپتەلىستە ءجۇرىپ- تۇرۋعا وتە ىڭعايلى) 18 مىڭنان تومەن باعاعا تابۋ مۇمكىن ەمەس ەكەن. ءبىر كۇنى كولىكتەردىڭ جاي- كۇيىن ءبىر كىسىدەي- اق بىلەتىن ەركەبۇلان ەسىمدى ارىپتەسىم قازاقستان نارىعىنا Daewoo Nexia- نىڭ (ناۋرىز ايىندا قازاقستان ۇكىمەتى بۇل كولىكتىڭ ەل اۋماعىندا ساتىلۋىنا تىيىم سالعان بولاتىن) ورىنا كەلگەن Daewoo Gentra كولىگىن الۋدى ۇسىندى. سالونعا بارىپ، الگى كولىكتى كورگەنىم سول- اق ەكەن بىردەن «عاشىق» بولدىم. ديزاينى تاماشا، ءىشى كەڭ، تالاپقا ساي قاۋىپسىزدىك جاستىقشاسى بار، АВS, SRS، كونديتسيونەرى دە بار، ءوزى اۆتومات كوروپكا. كولىكتىڭ ءتۇسى دە كوڭىلدەن شىقتى. ۇناتىم، ساتىپ الدىم. باعاسى 13200 دوللار. ال وسى باعاعا، وسى ديزاينمەن قازاقستاندا كولىك شىعارىلعاندا عوي ءسوز جوق الار ەدىم.. اتتەڭ اتتەڭ..
ال مەنى كولىكپەن وزبەك اكاما ايتار العىسىم شەكسىز.. راحمات، راحمات!
جۋىردا كولىك قۇراستىرۋشىلار وداعىنىڭ ءتوراعاسى مەيرام پىشەمبايەۆ 2020 - جىلعا قاراي ەلىمىزدە جىلىنا 300 مىڭ اۆتوكولىك شىعارۋ كوزدەلىپ وتىر دەپ قالدى. سونداي دەيمىن دا ول كولىكتەردى كىمگە ساتادى ەكەن ا؟ ..
ءسىز نە دەيسىز قۇرمەتتى وقىرمان؟ !
اۆتور: داۋرەن قۇدايبەرگەن
«الاش ايناسى»
