10:17, 29 - مامىر 2014 | GMT +5
مەملەكەتتىك ەمتيحاندى ءساتتى تاپسىرۋدى قالايتىن تۇلەكتەرگە ارنالعان دۇعا شىقتى
استانا. قازاقپارات - ۇلتتىق ءبىرىڭعاي تەستىلەۋدى ءساتتى تاپسىرۋدى قالايتىن تۇلەكتەرگە ارنالعان دۇعا شىقتى. يمامداردىڭ سوزىنشە، بولاشاعىنا ۇلكەن ءۇمىت ارتىپ وتىرعان تەست تاپسىرۋشىلار سىناقتى «ءبىسسىمىلادان» باستاپ، اللادان كومەك پەن جەڭىلدىك سۇراپ ەمتيحانعا كىرىسكەندىكتەرى ابزال.
يمامداردىڭ سوزىنشە، تەستتەن سۇرىنبەي ءوتۋ اۋەلى اللانىڭ، سودان سوڭ وقۋشىنىڭ دايىندىعىنىڭ قولىندا.
الماتىداعى ورتالىق مەشىت يمامدارىنىڭ پىكىرىنشە، العاشقىدا 3 رەت فاتيحا سۇرەسىن وقىپ، ارتىنان ۇلتتىق ءبىرىڭعاي تەستىلەۋگە ارنالعان دۇعا ايتقان تۇلەكتەردىڭ سىناق ساعاتىندا جۇگى جەڭىلدەمەك. ءدىن وكىلدەرىنىڭ ايتۋىنشا، ارنايى دۇعانى نەعۇرلىم كوبىرەك ايتقان ابزال. ءتىپتى تەست تاپسىرۋشى سۇراق كىتاپشالارىن تاپسىرىپ بولعاننان كەيىن دە، قايتالاپ ايتۋعا بولادى ەكەن. دەسە دە، يمامدار تالىمگەرلەر دۇعادان بولەك، تەستىلەۋگە جاۋاپتى دايىندىقتىڭ دا كەرەك ەكەندىگىن ۇمىتپاۋدى ەسكەرتۋدە.
«31- ارنا» جاڭالىقتارى
