ءۇش جاستاعى بالا ءبىر جارىم جاسار ءىنىسىن اتىپ ءولتىردى

استانا. قازاقپارات - اريزونا شتاتىندا ءۇش جاسار بالا تاپانشادان ءوزىنىڭ ءبىر جارىم جاستاعى ءىنىسىن اتىپ تاستادى.بۇل تۋرالى ريا نوۆوستي جازادى.

قايعىلى جاعداي سەيسەنبى كۇنى پەيسون قالاسىندا بولعان. اعالى- ءىنىلى ەكى بالا كورشى ءۇيدىڭ قوناق بولمەسىندە ويناپ وتىرعان. وندا ولاردى اناسى ەرتىپ اكەلگەن.

بالالاردىڭ ۇلكەنى سول ۇيدەن تاپانشا تاۋىپ العان سوڭ ولار باسقا بولمەگە بارعان. ءۇش جاسار بالا ابايسىزدا تاپانشانىڭ شۇرىپپەسىن باسىپ قالىپ، وق ءىنىسىنىڭ باسىنا تيگەن.

ءبىر جارىم جاستاعى بالا اۋرۋحاناعا جەتكىزىلىپ، سول جەردە كوپ ۇزاماي جان تاپسىردى.