جوعالىپ كەتكەن مالايزيالىق ۇشاقتىڭ جانارمايى تاۋسىلىپ قالعان

يتار- تاس- تىڭ حابارلاۋىنشا، بۇل تۋرالى اۆستراليا كولىك قاۋىپسىزدىگى اگەنتتىگىنىڭ ماماندارى ءمالىم ەتتى.
ولاردىڭ پايىمدارى سپۋتنيكتىك اقپاراتتى تالداۋعا نەگىزدەلگەن. بىرنەشە كۇن بۇرىن ول مالايزيا بيلىگىنىڭ بايانداماسىندا جاريالاندى.
مالىمەتتەرگە سايكەس ۇشاقتان دىبىستىق دابىلدار ول جوعالىپ كەتەر الدىندا ىركىلىسپەن كەلىپ تۇرعان. بۇدان ءارى اۋە كەمەسىمەن بايلانىس مۇلدەم جوعالعان.
بۇل ۇشاقتىڭ ەلەكتروندىق جۇيەسىنە جانارماي جەتىسپەۋى سەبەبىنەن دابىل ءۇزىلىپ قالعان دەگەن بولجام جاساۋعا مۇمكىندىك بەرەدى، دەپ سانايدى ساراپشىلار.
سونىمەن بىرگە ولار ۇشاقتى ىزدەۋ ايماعى بۇل اۋدانداعى بىردەن ءبىر م641 اۆياتسيالىق باعىتىمەن توعىسادى دەگەن پىكىردە. بۇل باعىت اۆستراليالىق پەرت پورتىنان كوكوس ارالدارىنا ديىنگى جول باعىتتى كورسەتەدى. لاينەر وسى جول باعىتپەن اۆتوپيلوت ارقىلى قوزعالعان، دەپ اتاپ وتەدى ماماندار.
كۋالا- لۋمپۋردان بەيجىڭگە ۇشىپ شىققان Boeing 8 - ناۋرىزدا تۇندە راداردان جوعالىپ كەتكەن. ۇشاقتىڭ جانە ونىڭ جولاۋشىلارىنىڭ تاعدىرى جونىندە ءالى كۇنگە دەيىن ەشتەڭە بەلگىسىز بولىپ قالىپ وتىر. ونىڭ بورتىندا ەكيپاج مۇشەلەرىن قوسقاندا 239 ادام بولعان.