برازيليا الەم چەمپيوناتىن قابىلداۋعا دايىن ەمەس
دەپ جازادى «الاش ايناسى» گازەتى.
ءبىرىنشى كەزەكتە برازيليا باسشىلارى ەلدەگى قاۋىپسىزدىكتى تولىعىمەن باقىلاۋعا الا الماي وتىر. قازىردىڭ وزىندە برازيليا ءوزىنىڭ ۇلتتىق ۆاليۋتاسىمەن ەسەپتەگەندە قاۋىپسىزدىك شارالارىنا ءۇشىن 1,9 ميلليارد رەال جۇمساعان. بۇل دوللارعا شاققاندا 857,5 ميلليون دوللاردى قۇرايدى. شاراعا قاۋىپسىزدىكتى باقىلاۋ ماقساتىندا 157 مىڭعا تارتا كۇش قۇرىلىمدارىنىڭ جاۋىنگەرلەرى مەن 16,9 مىڭ شاقىرىم شەكارا اۋماعىن باقىلايتىن "اگات-8" جاساعى جۇمىلدىرىلادى. برازيليا بيلىگى اۋقىمدى كولەمدەگى قاۋىپسىزدىك شارالارىن نەگىزى مامىر ايىنىڭ ورتاسىندا قاراستىرا باستادى. دەگەنمەن، قازىردە بۇل ەلدە چەمپينوتقا اۋقىمدى كولەمدە قارجى جۇمساۋعا بايلانىستى ءتۇرلى قارسىلىق شارالارى ورىن الۋدا.
مىسالى، سان- پاۋلۋ مەن ريو- دە- جانەيرو قالالارىندا قارسىلىق اكتسيالارى ءوتتى. ميتينگكە شىققان ەرەۋىلشىلەر ەلدىڭ الەم بىرىنشىلىگىن وتكىزۋ ءۇشىن قىرۋار قارجى جۇمسالىپ جاتقانىنا تۇبەگەيلى قارسى. ولار قالانىڭ كوشەلەرىن جاۋىپ، كولىكتەردى ورتەپ، اقىر اياعى قۇقىق قورعاۋ قىزمەتكەرلەرىنە تاس لاقتىرعان. ەرەۋىلشىلەر چەمپيونات وتكىزۋ ءۇشىن جۇمسالىپ جاتقان قاراجاتتى ەلدەگى قوعامدىڭ باعدارلامالار مەن تۇرعىن ءۇي ماسەلەسىن شەشۋگە جۇمساۋدى تالاپ ەتىپ وتىر. ميتينگىلەر تەك بۇل ەكى قالادا ەمەس، برازيليانىڭ باسقا شاھارلارىندا دا ءوتىپ جاتىر. ونىڭ ىشىندە ەلدىڭ استاناسى برازيليا دا بار.
بۇل شارالاردى ۇيىمداستىرۋشىلار فۋتبولدان الەم بىرىنشىلىگى جاقىنداعان سايىن ەرەۋىلدىڭ قارقىنى ارتا تۇسەدى دەپ ەسكەرتۋدە. ءبىراق، برازيليا باسشىلارى بۇل ميتينگىلەردىڭ الەم بىرىنشىلىگىنە ەش قاتىسى جوق دەپ سەندىرۋدە.
«جۇمىسشىلار ادەتتەگىدەي وزدەرىنىڭ قۇقىقتارىن تالاپ ەتىپ جاتىر. ءبىراق، بۇل الەم بىرىنشىلىگىنە ەش قاتىسى جوق. ۋايىمداۋدىڭ قاجەتى جوق. ءبىز بارلىعىن باقىلاۋدا ۇستاپ وتىرمىز» ، - دەيدى برازيليانىڭ سپورت ءمينيسترى الدو رەبەلو.
ءبىراق، ەلدە فۋتبول بىرىنشىلىگىنە قاۋىپ ءتوندىرىپ وتىرعان بۇل ءبىرىنشى پروبلەمما ەمەس. ەلدىڭ باسشىلارىنىڭ باس اۋىرتىپ تۇرعان ماسەلەلەردىڭ ءبىرى - ستاديونداردىڭ قۇرىلىسى. ماسەلەن، فۋتبولدان الەم چەمپيوناتىنىڭ العاشقى ماتچى وتەتىن سان- پاۋلۋداعى "ارەنا كورينتيانس" ءبىرىنشى رەسمي سىناق ماتچىن قابىلداۋعا ءالى دە دايىن ەمەس.
قارجىلىق قيىندىقتارعا بايلانىستى ستاديوننىڭ قۇرىلىسى تىم باياۋ قارقىندا سالىنىپ جاتىر. ونىڭ ۇستىنە وتكەن جىلدىڭ قاراشا ايىندا ءدال وسى الاڭنىڭ قۇرىلىسى بارىسىندا كراننىڭ قۇلاۋى سالدارىنان ءبىر ادام مەرت بولعان ەدى. سونداي- اق بيىلعى جىلدىڭ ناۋرىز ايىندا تاعى ءبىر قۇرىلىسشى قازا بولىپ، ستاديوننىڭ جوندەۋ جۇمىستارى 11 كۇنگە توقتاپ قالعان.
دەگەنمەن، ف ي ف ا باسشىسى يوزەپ بلاتتەر بۇل ءجايتتارعا قاراماستان ستاديوننىڭ قۇرىلىسى دەر كەزىندە اياقتالادى دەپ وتىر. ءبىراق، "كورينتيانس" جانە "فيگەيرەنسە" كوماندالارى اراسىنداعى سىناق ماتچىندا قوسىمشا 10 مىڭ ادامعا ارنالعان ورىندارعا بيلەت ساتىلمايتىن بولادى. بۇل ستاديوندا الەم بىرىنشىلىگى كەزىندە التى كەزدەسۋ وتەدى. ونىڭ ىشىندە برازيليا مەن حورۆاتيا قۇراماسى اراسىنداعى الەم چەمپيوناتىنىڭ اشىلۋ ماتچى دا بار.
ودان بولەك، الەم بىرىنشىلىگىن قابىلدايتىن ماناۋس قالاسىندا بۇگىندە توتەنشە جاعداي جاريالانعان. قالانىڭ ماڭىنان وتەتىن ريۋ- نەگرۋ وزەنىندە سۋ دەڭگەيى كوتەرىلىپ، الداعى ۋاقىتتا وزەن ارناسىنان تاسىپ كەتۋ ءقاۋىپى ءتونىپ تۇر. ءبىراق، قالادا ورنالاسقان «امازونيا» ستاديونانا سۋ تاسقىنى جەتپەيدى ەكەن. دەسە دە، ەگەر وزەن ارناسىنان شىعىپ جاتسا، وندا قالاداعى بارلىق قوزعالىستى بوگەپ قالۋى كادىك.
ال، ف ي ف ا- نىڭ باس حاتشىسى جەروم ۆالكەنىڭ ايتۋىنشا، ەلدەگى قىمباتشىلىققا بايلانىستى الەم چەمپيوناتى بارىسىندا قاراپايىم جانكۇيەرلەر كوپتەگەن قيىندىقتارعا تاپ بولۋى مۇمكىن. «قيىندىقتارعا ب ا ق وكىلدەرى، ۇلتتىق قۇرامالار عانا ەمەس، قاراپايىم جانكۇيەرلەر دە تاپ بولادى. سەبەبى، الەم بىرىنشىلىگى كەزىندە جەرگىلىكتى كاسىپكەرلەر باعانى ەكى ەسەگە ارتتىرادى. سوندىقتان دا برازيلياعا بارار الدىندا ساپارلارىڭىزدى مۇقيات جوسپارلاپ الىڭىزدار» ، - دەيدى ۆالكە.
جىعىلعانعا جۇدىرىق دەگەندەي، بۇل كۇندەرى برازيليادا جەزەكشەلىك ماسەلەسى دە ۋشىعىپ بارادى. الەم بىرىنشىلىگى كەزىندە بۇل ەلگە الەمنىڭ تۇكپىر- تۇكپىرىنەن 600 مىڭعا جۋىق جانكۇيەر كەلەدى دەپ كۇتىلۋدە. مۇنداي مۇمكىندىكتى «جەڭىل ءجۇرىستى» قىزدار پايدالانىپ قالۋعا تىرىسىپ جاتىر. سەبەبى، بۇل ەلدە جەزەكشەلىككە رەسمي تۇردە رۇقسات ەتىلگەن.
برازيلياداعى فۋتبول بىرىنشىلىگەن كەدەرگى جاسايتىن جايتتەر تەك بۇل عانا ەمەس. بۇل قاتارعا تاعى ۆيزا، ترانسپورت، جەمقورلىقتى جاتقىزۋعا بولادى.
ەستەرىڭىزگە سالا كەتەيىك، فۋتبولدان الەم چەمپيوناتى 12 - ماۋسىم مەن 13 - شىلدە ارالىعىندا وتەدى.
اۆتور: ءۋاليحان قوسانباي
