21:10, 28 - مامىر 2014 | GMT +5
باكتەرياعا قارسى سابىن ساتۋعا تىيىم سالىندى
استانا. قازاقپارات - ا ق ش- تىڭ ميننەسوتا شتاتىندا باكتەرياعا قارسى تريكلوزان پرەپاراتى قوسىلعان بارلىق تۇتىنۋشىلىق تاۋارلاردى ءوندىرۋ مەن ساتۋعا تىيىم سالىندى.
شتات گۋبەرناتورى مارك دەيتون بەكىتكەن وسى زاڭ 2017 -جىلدان باستاپ كۇشىنە ەنەدى.
ا ق ش اۋماعىندا ساۋدالاناتىن گيگيەنالىق زاتتاردىڭ شامامەن 75 پايىزىنا تريكلوزان قوسىلادى ەكەن. ول سابىننىڭ، ءتىس پاستاسىنىڭ، مايلىقتاردىڭ قۇرامىندا بار. سوڭعى زەرتتەۋلەرگە قاراعاندا، تريكلوزان ادامنىڭ اعزاسىنا كەرى اسەر ەتەدى.
جانۋارلارعا جاسالعان زەرتتەۋلەر بارىسىندا اتالعان زات بۇلشىق ەتتەردىڭ قىسقارۋ قابىلەتتىلىگىن السىرەتەتىنى، ونىڭ ىشىندە جۇرەكتىڭ دە بۇلشىق ەتىنە كەرى اسەرىن تيگىزەتىنى انىقتالدى. سونىمەن قاتار تريكلوزان رەپرودۋكتيۆتى جۇيەگە زيان كەلتىرىپ، ۇرىقتاردىڭ سانىن قىسقارتاتىنى، سونداي- اق گورمونداردىڭ ءبولىنۋىن بۇزاتىندىعى بەلگىلى بولدى.
اۆتور: رۋسلان عابباسوۆ
