قىزىلوردا قالاسىنىڭ ارحيتەكتۋرالىق كەلبەتى تارتىمسىز - ق. كوشەربايەۆ
بيىل سىرداريا وزەنىنىڭ سول جاعالاۋىن يگەرۋ باستالادى. بۇل تۋرالى وبلىس اكىمى ق. كوشەربايەۆتىڭ توراعالىعىمەن وتكەن قىزىلوردا قالاسىنىڭ پەرسپەكتيۆالىق دامۋ باعىتتارىن تالقىلانعان جيىندا ايتىلدى،
دەپ حابارلادى وبلىس اكىمدىگىنىڭ باسپا ءسوز قىزمەتىنەن.
قالا اكىمى نۇرلىبەك نالىبايەۆ شاھاردا اتقارىلعان جۇمىستاردى سارالاپ شىقتى. بارلىق سالادا ءوسىم بار. دەگەنمەن، اتقارىلۋ ءتيىس جۇمىستاردا جەتەرلىك.
جۋىق ارادا، «قورقىت اتا» اۋەجايىندا ساعاتىنا 250 جولاۋشى قابىلدايتىن حالىقارالىق تالاپتارعا ساي تەرمينالدىڭ قۇرىلىسى جانە ع. مۇراتبايەۆ كوشەسى ارقىلى سىرداريا وزەنىنەن قۇنى 5,9 ميلليارد تەڭگە بولاتىن كوپىر قۇرىلىسى باستالادى. ياعني، بۇل كوپىر سول جاعالاۋدى يگەرۋگە مۇمكىندىك بەرەدى.
ايماق باسشىسى اۋىل شارۋاشىلىعى ونىمدەرىن وندىرۋدە اقجارما، اقسۋات، قىزىلوزەك، تالسۋات، قوسشىڭىراۋ، ءبىرقازان ەلدى مەكەندەرىنىڭ الەۋەتى جەتكىلىكتى ەكەندىگىن اتاپ ءوتىپ، وسى ەلدى مەكەندەردە ازىق- تۇلىك بەلدەۋلەرىن ۇيىمداستىرۋ قاجەتتىگىن ايتتى. باستى ماقسات - الىنعان ونىمدەردى ءوز نارىعىمىزدا وتكىزىپ، ينۆەستيتسيانىڭ سىرتقا كەتپەۋىنە مۇمكىندىك جاساۋ.
وبلىس ورتالىعىندا وڭىرلىك جانە رەسپۋبليكالىق يندۋستريالاندىرۋ كارتاسىندا 23 ميلليارد تەڭگەنىڭ 8 ينۆەستيتسيالىق جوباسى ىسكە اسىرىلۋدا.
- ۇنەمى ايتىپ كەلەمىن، قالانىڭ ارحيتەكتۋرالىق كەلبەتى، كوپقاباتتى ۇيلەردىڭ ءبىرىنشى قاباتتارىندا ورنالاسقان كوممەرتسيالىق نىسانداردىڭ قاس بەتتەرى كوزگە تارتىمسىز. بىركەلكى تۇجىرىمداما قالىپتاسپاعان، - دەدى ق. كوشەربايەۆ.
جيىندا ايماق باسشىسى قالاداعى عيماراتتاردىڭ سىرتقى كەلبەتتەرىن دۇرىستاۋدى قاتاڭ تاپسىردى. سونداي- اق جەكە كاسىپكەرلەر سالىپ جاتقان نىسانداردىڭ «ساقالدى قۇرىلىسقا» اينالىپ كەتپەۋىن قاتاڭ باقىلاۋ قاجەتتىگىن ەسكەرتتى.
اۆتور: ەلۋباي اۋەزوۆ
