استانادا ورتالىق ازياداعى ەڭ ۇلكەن حورەوگرافيا اكادەمياسى اشىلادى
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر مادەنيەت ءمينيسترى ارىستانبەك مۇحامەدي ۇلى ءمالىم ەتتى.
«قازاق ۇلتتىق حورەوگرافيالىق اكادەمياسى عيماراتىنىڭ قۇرىلىسى باستالدى. اتاپ ايتقاندا ەكسپو قالاشىعى ماڭىنان 10 گەكتار جەردە ونىڭ قۇرىلىسى جۇرگىزىلىپ جاتىر. بۇل اكادەميانىڭ اشىلۋى 2016 - جىلدىڭ ءساۋىر ايىنا جوسپارلانىپ وتىر» ، - دەدى ۆەدومستۆو باسشىسى.
وسى ورايدا ول بۇل اكادەميا ورتالىق ازياداعى ەڭ ۇلكەن وقۋ ورداسى بولاتىنىن اتاپ ءوتتى.
ءمينيستردىڭ ايتۋىنشا، 2016 - جىلدىڭ مامىرىنان حورەوگرافيالىق اكادەميادا وقۋشىلار قابىلدانىپ، قىركۇيەكتەن باستاپ وندا ءتالىم بەرۋ جۇمىستارى جۇزەگە اسىرىلادى.
حوريەوگرافيا (گرەك. - choreіa بي، grapho - جازامىن) شارتتى بەلگىلەر جۇيەسى ارقىلى بي قيمىلدارىن جازۋ. قازاقستاندا بۇل تەرمين 20 - عاسىردىڭ 30-جىلدارى قولدانىلا باستادى. قازاقتىڭ حالىق بيلەرى تۇڭعىش رەت 1947 جىلى جازىلدى. قازاق حوريەوگرافتارى قاتارىنان د. ءابىروۆتىڭ، ز. رايبايەۆتىڭ، ت. ب. ەسىمدەرى بەلگىلى.
اۆتور: رۋسلان عابباسوۆ
