ن. نازاربايەۆ پەن ۆ. پۋتيننىڭ كەزدەسۋىندە ءبىرقاتار قۇجاتتارعا قول قويىلدى

استانا. قازاقپارات - قازاقستان پرەزيدەنتى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەستى، دەپ حابارلايدى اقوردانىڭ باسپا ءسوز قىزمەتى.

كەلىسسوزدەر بارىسىندا يندۋستريالاندىرۋ، ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىق ماسەلەلەرى تالقىلاندى، سونداي-اق حالىقارالىق كۇن ءتارتىبىنىڭ وزەكتى تاقىرىپتارى قارالدى.

مەملەكەت باسشىلارى قول قويىلعان ەۋرازيالىق ەكونوميكالىق وداق تۋرالى شارتتىڭ وزەكتى اسپەكتىلەرى مەن ەلدەردىڭ وسى بىرلەستىك اياسىنداعى ءوزارا ءىس-قيمىلىنىڭ نەگىزگى باعىتتارى جونىندە ماسەلە قوزعادى.

نۇرسۇلتان نازاربايەۆ ەكونوميكانىڭ ماڭىزدى سالالارىن دامىتۋعا يگى ىقپالىن تيگىزىپ وتىرعان قازاقستان مەن رەسەي اراسىنداعى ىنتىماقتاستىقتىڭ جوعارى قارقىنىن اتاپ كورسەتتى.

ءوز كەزەگىندە ۆ. پۋتين ەكىجاقتى قارىم-قاتىناستاردىڭ تابىستى دامىپ وتىرعانىنا توقتالىپ، جوعارى تەحنولوگيالى سالالارداعى ءوزارا ءىس-قيمىلدىڭ مەيلىنشە بەلسەندىرەك بولۋ قاجەتتىگىن اتاپ ءوتتى.

 ***

كەزدەسۋ قورىتىندىسى بويىنشا مىناداي قۇجاتتارعا قول قويىلدى:

- رەسەي فەدەراتسياسى ۇكىمەتى مەن قازاقستان رەسپۋبليكاسى ۇكىمەتى اراسىنداعى قازاقستان رەسپۋبليكاسىنا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى 2010 - جىلعى 9 - جەلتوقسانداعى كەلىسىمگە وزگەرىس ەنگىزۋ تۋرالى حاتتاما؛

- قازاقستان رەسپۋبليكاسى اۋماعىندا اتوم ەلەكتر ستانساسىن سالۋداعى ىنتىماقتاستىق جونىندەگى ءوزارا تۇسىنىستىك تۋرالى مەموراندۋم؛

- «قازاتومپروم» ۇاك» اق مەن «روساتوم» مك بالامالى ەنەرگەتيكا جانە سيرەك كەزدەسەتىن جەر مەتالدارى ءوندىرىسى سالاسىنداعى ىنتىماقتاستىقتى دامىتۋ تۋرالى بىرلەسكەن مالىمدەمەسى؛

- اتوم ەنەرگياسىن بەيبىت ماقساتتا پايدالانۋ سالاسىنداعى قازاقستان-رەسەي ىنتىماقتاستىعىنىڭ كەشەندى باعدارلاماسى؛

- قوراسان-1، اق دالا، وڭتۇستىك ىڭكاي (4 ۋچاسكە) كەن ورىندارىندا جەر قويناۋىن پايدالانۋ ماسەلەلەرىن رەتتەۋ جونىندەگى جول كارتاسى.