تاريحشىلار قازاقستاننىڭ قازىرگى زامان تاريحىن جازىپ شىقپاق
بۇل تۋرالى بۇگىن وتكەن «ماڭگىلىك ەل» ۇلتتىق يدەياسى اياسىندا وتان تاريحى عىلىمىن زەردەلەۋ» اتتى عىلىمي-تاجىريبەلىك كونفەرەنتسياسىندا مەملەكەت تاريحى ينستيتۋتى ديرەكتورىنىڭ ورىنباسارى جاننا قادىرالينا ايتتى.
«ءبىزدىڭ الدىمىزعا قازاقستاننىڭ قازىرگى زامان تاريحىن جازىپ شىعۋ مىندەتى قويىلدى. ياعني بۇل ەلىمىز تاۋەلسىزدىك العاننان بەرگى ۋاقىتتى قامتيدى. بۇل كەزەڭ تاريح عىلىمىندا ەندى عانا زەرتتەلە باستادى، تاۋەلسىزدىك جىلدارىندا جەتكەن جەتىستىكتەردىڭ بارلىعىن ءبىز ءوز كوزىمىزبەن كورىپ، ءوزىمىز كۋاگەر بولىپ كەلەمىز»، - دەپ اتاپ ءوتتى ج. قادىرالينا.
ونىڭ ايتۋىنشا، تاريحشىلاردىڭ باستى مىندەتى وسى ۇدەرىستەردى تالداپ جازىپ، جاڭا تەندەنسيالاردى انىقتاپ، قوعامىمىزدىڭ دامۋ جولدارىن ايقىنداۋ. سونىمەن قاتار، ومىردە ورىن الىپ جاتقان وزگەرىستەردى ءتيىمدى تالداۋ ءۇشىن عىلىمي بازانى جەتىلدىرۋ قاجەت.
«سونىمەن قاتار، بۇگىنگى كونفەرەنسياعا قاتىسۋشىلار «ماڭگىلىك ەل» ۇلتتىق يدەياسى كونتەكستىندە قازاقستان تاريحى عىلىمىنىڭ وسى كەزدەگى ەرەكشەلىكتەرى مەن جەتىستىكتەرى، ارى قاراي دامۋ جولدارى، وقىتۋدىڭ يننوۆاتسيالىق ادىستەمەسىن وقۋ ۇردىسىنە ەنگىزۋ، جاڭا بۋىن وقۋلىقتارىن دايارلاۋ، اقپاراتتىق تەحنولوگيا جەتىستىكتەرىن كەڭىنەن پايدالانۋ سياقتى ماسەلەلەردى تالقىلايدى»، - دەيدى ج. قادىرالينا.
اۆتور: ءابۋ-اسقار مەكەش ۇلى
