عارىش ماماندارى ايدا عالامتور ورناتتى

 استانا. قازاقپارات - جەر سپۋتنيگىمەن ينتەرنەت بايلانىس ورناتۋ NASA ينجەنەرلەرىنىڭ كەزەكتى جوباسىنا اينالدى.

MIT (ماسساچۋسەتس تەحنولوگيالىق ۋنيۆەرسيتەت) ماماندارىمەن بىرىگىپ ايمەن جوعارى جىلدامدىقتاعى بايلانىس ورناتۋعا مۇمكىندىك بەرەتىن بايلانىس جۇيەسىن قۇردى، دەپ جازادى شەتەلدىك ب ا ق.

Lunar Laser Communication Demonstration جۇيەسىنىڭ نەگىزىندە لازەرلىك ساۋلەلەندىرۋ جاتقانى بەلگىلى.

30 كۇندىك زەرتتەۋلەر جۇرگىزۋ بارىسىندا عالىمدار تۇراقتى سيگنال ورناتا الدى. مالىمەتتەردى جەتكىزۋ جىلدامدىعى سەكۋندىنا 19,44 مەگابيتتى قۇرادى، دەپ حابارلادى Informing.

اتاپ وتەيىك، بۇل جىلدامدىقتى قاراپايىم ۇيدەگى ينتەرنەت-بايلانىسپەن سالىستىرۋعا بولادى.

 LLCD تەرمينالى نيۋ-مەكسيكودا (ا ق ش) ورنالاسقان جانە ول 4 وپتيكالىق جۇيەدەن تۇرادى. ونىڭ ءاربىرى قۋاتتىلىعى 40 ۆ ت بولاتىن ساۋلە تاراتۋشىلارمەن جابدىقتالعان.