قانات يسلام الەمنىڭ ەڭ قارقىندى بوكسشىلارى تىزىمىنە ەندى

استانا. قازاقپارات - قازاقستاننىڭ كاسىپقوي بوكسشىسى قانات يسلام كولۋمبليالىق فرانتسيسكو كوردەرونى جەڭگەننەن كەيىن بىلعارى قولعاپ شەبەرلەرىنىڭ رەيتينگىسىندە بىردەن 24 ساتىعا كوتەرىلدى، دەپ حابارلايدى Vesti.kz.

قازىرگى ۋاقىتتا قانات جالپى ەسەپتە 82-ورىندا كەلەدى، ال ورتا سالماق دارەجەسىندە ۇزدىك وندىققا ەنگەن. Boxrec.com پورتالى ءوزىنىڭ ءداستۇرلى الەمنىڭ ەڭ جىلدام قارقىن الىپ كەلە جاتقان بوكسشىلارى تىزىمىنە قازاقستاندىق كاسىپقوي سپورتشىنى دا كىرگىزىپ وتىر.

ايتا كەتەيىك، قانات يسلام كولۋمبيالىق فرانتسيسكو كوردەرومەن 23 مامىر كۇنى كەزدەستى. ءۇشىنشى راۋندتا قارسىلاستىڭ باپكەرلەرى قاناتتىڭ كۇشتى سوققىلارىنان كەيىن جەكپە-جەكتى توقتاتىپ تاستاعان بولاتىن.

وسىلايشا، قازاق بوكسشىسى تەحنيكالىق نوكاۋتپەن جەڭىسكە جەتتى. قانات ءۇشىن بۇل - كاسىپقوي بوكستا بولعان 17 كەزدەسۋدەگى 17-جەڭىسى.

قازاقستاندىق جىل سوڭىندا WBA بەلبەۋىن جەڭىپ الۋعا تىرىساتىندىعىن جاسىرماۋدا.

 

 اۆتور: جاسۇلان جولدىبايەۆ