ساياسي قۋعىن- سۇرگىن قۇرباندارىن ەسكە الۋ كۇنىنە وراي استانادا وتەتىن ءىس- شارالار
دەپ حابارلايدى اكىمدىكتىڭ باسپا ءسوز قىزمەتىنەن.
1) 30 - مامىر كۇنى ساعات 10.00-دە «XX عاسىردىڭ 30- جىلدارىنداعى قازاقستانداعى ساياسي قۋعىن- سۇرگىن جانە اشارشىلىق» تاقىرىبىندا عىلىمي تاجىريبەلىك كونفەرەنتسياسى وتەدى («ىسكەر» بيزنەس ورتالىعىنىڭ ءماجىلىس زالى) .
2) 31 - مامىر كۇنى ساعات 11.00 دە ساياسي قۋعىن- سۇرگىن جانە توتاليتاريزم قۇرباندارىنىڭ «الجير» مۇراجاي- مەموريالدى كەشەنىندە «ەسكە الۋ قابىرعاسىنا» گۇل قويۋ ءراسىمى جانە ەسكە الۋ ميتينگىسى وتەدى.
3) 31 - مامىر كۇنى ساعات 15.00-دە «1932-1933 - جىلدارداعى اشارشىلىق قۇرباندارىنا تاعزىم» مونۋمەنتىنە (اباي جانە رەسپۋبليكا داڭعىلدارىنىڭ قيىلىسى) گۇل قويۋ ءراسىمى وتەدى.
4) 31 - مامىر كۇنى ساعات 11.00 دە ساكەن سەيفۋللين ەسكەرتكىشى جانىندا «وتكەنگە قۇرمەت - ماڭگىلىك مىندەت» جاستار اكسياسى وتەدى.
شارالارعا قالالىق ءماسليحات دەپۋتاتتارى، مەملەكەتتىك ورگاندار، زيالى قاۋىم، جاستار مەن ۇكىمەتتىك ەمەس ۇيىمدار جانە ب ا ق وكىلدەرى قاتىسادى.
ساياسي قۋعىن- سۇرگىن جانە توتاليتاريزم قۇرباندارىنىڭ «الجير» مۇراجاي- مەموريالدى كەشەنىنە بارۋ ءۇشىن اقمول اۋىلىنا دەيىن اۆتوبۋستار مارشرۋتى ۇيىمداستىرىلادى. قاتىسۋشىلار ساعات 9.00 دە «جاستار» سارايى عيماراتىنىڭ الدىندا جينالادى.
سونىمەن قاتار، 30 - مامىر كۇنى ساعات 11.00-دە جانە 15.00-دە «قازاقستان» ورتالىق كونتسەرت زالىندا داريا ۆيولينا مەن سەرگەي پاۆلوۆسكيدىڭ «دولشە جيزني» ، «ءبىز ولمەيمىز» دەرەكتى فيلمدەرىنىڭ كورسەتىلىمى وتەدى.
