ءبىلىم مينيسترلىگى ەمتيحان كەزىندە وقۋشىلاردىڭ قۋلىعىن جاپپاي اشكەرەلەمەك

استانا. قازاقپارات - شەنەۋنىكتەر ۇلتتىق ءبىرىڭعاي تەست تاپسىرۋ كەزىندە جاڭا تەحنولوگيادان قاۋىپتەنىپ وتىر.

سەبەبى، قۋلىعىنا قۇرىق بويلامايتىن جاستار تەست سۇراقتارىن سىرتتان ۋاتس-اپ، ۆايبەر ارقىلى الىپ وتىرۋعا كوشكەن. الايدا، ءبىلىم مينيسترلىگى تۇلەكتەردىڭ مۇنداي قۋلىق-سۇمدىعىنىڭ الدىن الۋعا مىقتاپ كىرىسپەك.

ىسكە ەندى ىشكى ىستەر مينيسترلىگى مەن جەرگىلىكتى اكىمدىكتەر كىرىسەدى.

ولار ۇلتتىق ءبىرىڭعاي تەست وتەتىن عيماراتتاردى تەلەفون ءۇنىن وشىرەتىن ارنايى قۇرىلعىلارمەن مىقتاپ قامتاماسىز ەتپەك.

بىلتىر ۇلتتىق قاۋىپسىزدىك ورگاندارى تەستتىڭ العاشقى كۇنىندە-اق شپارگالكا، ۇيالى تەلەفون، قوسىمشا زاتتار الىپ كىرگەن مىڭداعان تۇلەكتى انىقتاعان ەدى. ءتىپتى، سىناققا راتسيامەن كىرىپ، وزگەنىڭ ورنىنا ەمتيحان تاپسىرعاندار دا كەزدەسكەن.

وسىلاي ۇرلىعى اشكەرە بولعان تۇلەكتەر اراسىندا ءوزىن-ءوزى ولتىرۋگە دەيىن بارعان فاكتىلەر كەزدەستى. الايدا، سوڭعى وقيعانى ءبىلىم جانە عىلىم ءمينيسترى اسلان ءسارىنجىپوۆ ۇلتتىق ءبىرىڭعاي تەستپەن ەش بايلانىستىرمايدى.

كەرىسىنشە، بار گاپ وقۋشىلاردىڭ دەنساۋلىعىندا دەيدى. دەگەنمەن، تەست تاپسىرۋعا ىنتالى تۇلەكتەر قاتارى ازايىپ كەتكەن. بىلتىرعى سىناققا 100 مىڭ تالاپكەر قاتىسسا، ال بيىل ول 8 مىڭعا كەمىپتى. ايتا كەتەيىك، ۇلتتىق ءبىرىڭعاي تەست ماۋسىمنىڭ 2 سى مەن 9 ى ارالىعىندا وتەدى.

اسلان ءسارىنجىپوۆ، ق ر ءبىلىم جانە عىلىم ءمينيسترى:

- بيىل ۇلتتىق ءبىرىڭعاي تەست فورماتى وزگەرىلمەيدى. تەست تاپسىرۋ ەرىكتى تۇردە جۇزەگە اسادى. ەكىنشىدەن، بيىل 133 مىڭ تۇلەك مەكتەپ ءبىتىردى. ونىڭ ۇ ب ت-عا 92 مىڭى قاتىسادى. ونىڭ ىشىندە 63 مىڭ تۇلەك قازاق تىلىندە، 28 مىڭ تۇلەك ورىس تىلىندە تاپسىرادى.

 

KTK