عالىمدار: جاقىندارىڭمەن ۇرسىسۋ ءومىردى قىسقارتادى

كوپەنگاگەن ۋنيۆەرسيتەتىنىڭ عالىمدارى انىقتاعانداي، قوبالجۋلار مەن شيەلەنىستەر ءولىمدى جاقىنداتۋى مۇمكىن، دەپ جازادى روسبالت.

2000-2011-جىلدار اراسىندا 9870 ادامعا جۇرگىزىلگەن تاجىريبە بۇل اسىرەسە ەرلەر مەن جۇمىسسىز ادامدار اراسىندا وتە وزەكتى ەكەنىن كورسەتتى.

زەرتتەۋ ۋاقىتى بارىسىندا ايەلدەردىڭ 4 پايىزى جانە ەرلەردىڭ 6 پايىزى قازا تاپتى. جالپى قاتىسۋشىلاردىڭ 50 پايىزى قاتەرلى ىسىكتەن كوز جۇمدى. ءولىمنىڭ وزگە سەبەپتەرىنىڭ اراسىندا جۇرەك قان تامىر اۋرۋلارى، باۋىر دەرتتەرى، وقىس وقيعالار مەن وزىنە قول جۇمساۋلار بولدى.

ءاربىر ونىنشى ادام ونىڭ سەرىكتەسى نەمەسە بالالارى قوبالجۋعا يتەرمەلەيتىنىن ايتقان. 6 پايىزى وتباسى مۇشەلەرىمەن ۇرسىساتىنىن، ال 2 پايىزى دوستارىمەن سوزگە كەلىپ قالاتىنىن جەتكىزدى.

جالپى، ۋايىمدايتىن جانە ارىپتەسىنىڭ قىسىمىنا تاپ بولاتىنداردىڭ ءومىرى وزگەلەرمەن سالىستىرعاندا ەكى ەسە كوبىرەك قىسقارادى ەكەن.

مۇنداي جاعداي بالالارىمەن كەلىسپەگەندە دە كەزدەسەدى، ياعني ءولىم قاۋپى 50 پايىز ارتقان. كورشىلەرمەن ۇرسىسۋ قاۋىپتى ءۇش ەسەدەن استام ۇلعايتقان.

ءجيى تۋىندايتىن كەلىسپەۋشىلىك ءولىم قاۋپىمەن بايلانىستى بولعان. جۇمىسسىز ادامنىڭ ءولىم قاۋپى جۇمىسى بارمەن سالىستىرعاندا شامامەن 4,5 ەسە وسەدى ەكەن.