ەرتەڭ قازاقستاننىڭ ءبىرقاتار وڭىرلەرىندە كۇن كۇرت سۋىتادى
بۇل تۋرالى ەلوردالىق ت ج دەپارتامەنتىنىڭ باسپا ءسوز قىزمەتىنەن حابارلادى.
«استانا قالاسىنىڭ توتەنشە جاعدايلار دەپارتامەنتى» «قازگيدرومەت» ر م ك دەرەكتەرىنە سۇيەنسەك، استانا قالاسىندا 2014 - جىلعى 30 - مامىردا 0-2 گرادۋسقا دەيىن سۋىتادى دەپ كۇتىلۋدە»، - دەلىنگەن ت ج د حابارلاماسىندا.
قازاقستان اۋماعىنا باياۋلاپ جەتكەن سۋىق اتموسفەرالىق اعىندار قازاقستاننىڭ بارلىق اۋماعىنا اسەر ەتىپ، جاۋىن-شاشىن بولادى، شىعىس وبلىستاردا 30 جانە 31 - مامىردا تۇندە جاۋعان جاۋىننىڭ ارتى جىلبىسقى قارعا ۇلاسۋى مۇمكىن.
«سۋىق انتيتسيكلون قازاقستاننىڭ سولتۇستىك بولىگىنە اركتيكالىق اۋا اكەلىپ، جەر-جەرلەردە تۇنگى تەمپەراتۋرا 0-5 گرادۋسقا جەتۋى مۇمكىن. وڭتۇستىكتە جانە وڭتۇستىك- شىعىستا مامىردىڭ سوڭعى كۇندەرى جاڭبىر جاۋىپ، كۇن كۇركىرەپ، ارتىنشا بۇرشاققا ۇلاسۋى ىقتيمال، جەلدىڭ كۇشى 18-25 م/س-قا جەتەدى، كۇندىزگى تەمپەراتۋرا 17-27 گرادۋسقا دەيىن جىلى بولادى»، - دەلىنگەن حابارلامادا.
