10:12, 28 - مامىر 2014 | GMT +5
ءوز قالاۋىنشا تۇرمىسقا شىققان ايەلدى تۋعان اكەسى مەن اعالارى ۇرىپ ءولتىردى
استانا. قازاقپارات - پاكىستاننىڭ لاحور قالاسىندا جوعارعى سوت عيماراتىنىڭ الدىندا ايەلدى رۇقساتسىز تۇرمىسقا شىقتىڭ دەگەن ايىپپەن تۋعان-تۋىستارى ۇرىپ ءولتىردى، دەپ حابارلايدى BBC.
پوليتسيانىڭ حابارلاۋىنشا، زارداپ شەككەن ايەل قۇقىعىن قورعاۋ ءۇشىن سوتقا بەت العان، الايدا جەتە الماي قالدى.
ورتا جولدا وعان تۋعان اكەسى مەن اعالارى شابۋىل جاساعان. اشۋعا بۋلىققا ەر ازاماتتار ايەلدى باسىنان كىرپىشپەن ۇرىپ جىبەرگەن.
قازىر قايتىس بولعان ايەلدىڭ اكەسى قاماۋدا وتىر، ىسكە قاتىسى بار باسقالارى وقيعا ورنىنان ىزدەرىن سۋىتقان.
اتا-اناسىنىڭ قالاۋىنسىز تۇرمىسقا شىققان ايەلدى وتباسىنىڭ «ارىن اياققا تاپتادى» دەپ ۇرىپ ءولتىرۋ سىندى كونەدەن قالعان سالت پاكىستاندىق قۇقىق قورعاۋشىلاردىڭ باس اۋرۋىنا اينالدى. پاكىستاننىڭ جەكەلەگەن ايماقتارىندا قىزدىڭ قالاعان جىگىتىنە تۇرمىسقا شىعۋىنا تىيىم سالىنعان.
BNews.kz
