پۋتين ۋكراينادا اسكەري وپەراتسيانى توقتاتۋدى تالاپ ەتتى

استانا. قازاقپارات - رەسەي پرەزيدەنتى ۆلاديمير پۋتين رەسەيشىل سەپاراتيستەردىڭ دونەتسكىدە ونداعان ادامى قازا تاپقان ۇرىستان سوڭ ۋكراينانىڭ شىعىسىنداعى اسكەري وپەراتسيالاردىڭ دەرەۋ توقتاتىلۋىن تالاپ ەتتى.

27-مامىر كۇنى ۋكراينا ىشكى ىستەر ءمينيسترى سەپاراتيستەردەن بوساتىلعان دونەتسكىنىڭ حالىقارالىق اۋەجايىن باقىلاۋىنا العانىن حابارلاعان.

اۋەجايدا بولعان وپەراتسيادا قازا تاپقانداردىڭ ناقتى سانى تۋرالى رەسمي مالىمەت ازىرگە بەلگىسىز. سەپاراتيستەر قازا تاپقاندار سانى 30دان 120 ادامعا دەيىن جەتۋى مۇمكىن دەيدى. دونەتسك مەرى 40 ادامنىڭ، ونىڭ ىشىندە ەكى بەيبىت تۇرعىن مەن 38 سەپاراتيستىڭ قازا تاپقانىن ايتادى.

اۆاكوۆتىڭ ايتۋىنشا، ۋكراين اسكەرى شىعىنعا ۇشىراماعان.

ۋكرايناداعى كەزەكتەن تىس پرەزيدەنت سايلاۋىندا جەڭىسكە جەتكەن پەتر پوروشەنكو شيەلەنىستى شەشۋ ءۇشىن ماسكەۋمەن كەلىسسوزدەر جۇرگىزۋگە نيەتتى ەكەنىن مالىمدەگەن. ءبىراق رەسەي سىرتقى ىستەر ءمينيسترى سەرگەي لاۆروۆ كرەمل پوروشەنكونىڭ رەسەيگە ساپارىن «قاراستىرىپ وتىرماعانىن» ايتقان.

ازاتتىق