مەنىڭ ءبىر كۇندىك كۇنام

استانا. قازاقپارات - كۇندەلىكتى كۇننىڭ ءبىرى.

تاڭ اتىرىپ، كولىگىمدى وت الدىرىپ، قاسكەلەڭنەن الماتىعا بەت الدىم.

اپتاسىنا 5 كۇن وزگەرىسسىز قايتالانىپ وتىرعان ءومىر.

التىنوردا بازارىنا جاقىنداي بەرگەنننەن كولىك كەپتەلىسى باستالىپ كەتتى. ادەتتەگىدەي بۇل جاعدايديعا دا ۇيرەنىپ قالدىق.

ءبىر جۇباتارلىعى كولىكتەر توقتاپ تۇرعان جوق، جايمەن بولسا دا ءجۇرىپ بارادى. كولىكتە جالعىز ءوزىم، راديونىڭ قۇلاعىن ءار ارنالارعا بۇراپ جاڭالىقتى تىڭداپ قويامىن.

ءانى-مىنە دەپ اپورتتىڭ تۇسىنا دا جەتىپ قالدىم. كولىكتەر سىعىلىسا ءبىر-ءبىرىنىڭ الدىنا شىعىپ، قالاعا تالاسا كىرۋدە. سول كەزدە قارسى بەتتەگى جولعا كوز تاستادىم. جول بوس، كولىك جوق، اندا-ساندا ءبىر كولىك زىمىراپ ءوتىپ قويادى. قارسى بەتتەگى جولعا قىزىعا قاراپ وتىرعانىمدا جولدىڭ ورتاسىندا ءبىر كىشكەنە كۇشىكتىڭ جانسىز ءولىپ جاتقانىن كوردىم. اندا-ساندا ءوتىپ جاتقان كولىكتەر ۇستىنەن نەمەسە جانىنان زىمىراپ ءوتىپ جاتتى.

مەن مىنا جاقتان ءۇشىنشى قاتاردان جولدىڭ ءبىرىنشى قاتارىنا كولىگىمدى توقتاتپاققا بەكىندىم. ءبىراق جانىمداعى كولىكتەر جىبەرەر ەمەس، ال ارتىمداعى كولىكتەر سيگنالىن باسىپ شۋلاپ قويا بەردى. ال ىشىمنەن انا كۇشىكتى دە شەتكە الىپ قويعىم بار. بالكىم قاتتى تىرىسپاعاندىعىمنان بولار، ءبىراز جەرگە دەيىن توقتاي الماي كەتىپ قالدىم. سوسىن، «جارايدى ەڭ باستىسى جولدان العىم كەلگەن ەدىم، ءبىراق كەدەرگىلەر بولىپ قالدى» دەپ ارى قاراي ءجۇرىپ كەتە بەردىم.

 كۇنى بويى جۇمىستا جۇرگەنىمدە ءبىر-ەكى رەت وسى بولعان وقيعا ەسىمە ءتۇسىپ اراسىندا ۇمىتۋعا تىرىستىم. ال كەشكى ساعات 6 بولدى. بالا كەزىمىزدەگىدەي ساباقتان قايتقانداي انامىزدى كورۋگە اسىقساق، بۇل جولى بالا-شاعانى كورۋگە اسىعاتىن بولدىق. كولىك كەپتەلىسى قايتادان باستالدى. كولىكتەردىڭ ءجاي جۇرگەنىن پايدالانىپ، كەيبىر جاس بالالار ۇرىلگەن شار ساتىپ ءجۇر. مەن دە سولاردىڭ ساۋداسىن جۇرگىزەيىن دەپ 4 شار ساتىپ الدىم. كەزىندە انامىز جۇمىستان كەلسە، ءىنىمىز ەكەۋمىز الدىنان جۇگىرىپ شىعاتىنبىز. الىستان شارشاپ كەلە جاتقانىن كورىپ كوشەنىڭ باسىنا دەيىن جارىسا جۇگىرەتىنبىز. شارشاعان ءجۇزى بىردەن تارقاپ بىزگە قاراپ جىميا كۇلەتىن. سونى قازىر اكە بولعاننان كەيىن عانا ءتۇسىنىپ وسىلاي ءار زات ساتىپ الىپ بەرگەندە ەسكە ءتۇسىپ وتىرادى. اندا-ساندا وزىمدە سول شارمەن ويناعىم كەلىپ قاراپ-قاراپ قويامىن.

سول ساتتە مەنىڭ ومىرىمدەگى وكىنىشتى وقيعالاردىڭ ءبىرى بولدى. ويىم تارس ءبولىندى دە جولعا الدىما قاراسام، تاڭدا وتكەن جەرىم، سول جول جانە سول جولدا جاتقان كۇشىكتى قۇداي كوزىمە باقىرايتىپ انىق كورسەتتى. بۇل جولى تاڭداعى كۇشىك جوق. كولىكتىڭ ءبارى ۇستىنەن ەزگىلەپ مىجىپ كەتكەن. كەرەك دەسەڭىز نە جاتقانى دا بىلىنبەي ءبىر ماتامەن تەڭەلىپ كەتكەن دەسە دە بولادى. تەك انىقتاپ قاراعان دا عانا تانۋعا بولادى كۇشىك ەكەنى. كولىگىمدى توقتاتىپ اۆارينكا كنوپكاسىن باسىپ توقتاتىپ قويىپ قاراپ تۇردىم.

نەگە؟ نەگە وسىلاي توقتاتىپ الىپ تاستامادىم جولدان؟ نە دەگەن كۇناحار ادام ەدىم. ەگەردە مەن وسى كۇشىكتى الىپ تاستاسام، ءتىرىلىپ كەتپەسە دە مۇنداي بولىپ جولعا ەزىلمەس ەدى عوي. ەي اللا كەشىرە كورشى. وسى كەزدە Youtub-تان كورگەن ءبىر ۆيدەو ەسىمە ءتۇستى. ءبىر ءيتتى كولىك قاعىپ كەتەدى، ال ەكىنشى ءيت جولدان ءيتتى جەلكەسىنەن جەتەكتەپ الىپ شىعادى. ال مەن سول ءيت قۇرلىم ادامگارشىلىگىم قالماعاندىعىنا قاتتى وكىندىم. ەندى سول جولدان وتكەن سايىن سول كۇنام كوز الدىما كەلەدى دە تۇرادى. جانەدە ايتادى «كەز كەلگەن ولگەن زات، ادام ءيا جانۋار، دەنەسىن ۇستايتىن بولساڭ اۋىرادى»-دەيدى.

ولگەن يتكە دە قۇرمەت كورسەتىپ جولدان الىپ وتىرساق ءبىزدىڭ ەش نارسەمىز كەتپەيدى. قۇداي ادامدى ءجانناتقا كىرگىزۋگە كوپتەگەن سەبەپتەر ىزدەيدى ەكەن. سول سەبەپتەرىمىز كوپ بولعاي. راحمەت سىزدەرگە!

ەرمۇرات
blogtime.kz