قاۋىپسىزدىك شارالارىن تەكسەرمەك بولعان سەناتور پارلامەنت عيماراتىنا جارىلعىش زات الىپ كىرگەن

استانا. قازاقپارات - اۆستراليانىڭ ليبەرالدىق پارتياسىنىڭ سەناتورى بيلل حەففەرنان پارلامەنت كوميتەتتەرىنىڭ ءبىرىنىڭ عيماراتىنا قولدان جاسالعان جارىلعىش زاتقا ۇقساس زاتتى بىلدىرمەي الىپ كىرگەن.
None
None

«Sidney Morning Herald» جازعانداي، وسى ارەكەتى ارقىلى پارلامەنتشى بيلىكتىڭ اۆستراليالىق پارلامەنتارييلەردىڭ قاۋىپسىزدىگىن قامتاماسىز ەتۋ ءۇشىن قابىلداپ وتىرعان شارالارىنىڭ جەتكىلىكسىزدىگىنە نارازىلىعىن بىلدىرمەك بولعان.

ايتا كەتەيىك، اۆستراليا پارلامەنتىنىڭ سەرۆيستىك قىزمەت دەپارتامەنتى جاقىندا ەلدىڭ باستى زاڭ شىعارۋشى ورگانىنىڭ قاۋىپسىزدىگىن قامتاماسىز ەتۋ ەرەجەلەرىنە ءبىرقاتار وزگەرىستەر ەنگىزگەن بولاتىن. وندا ارنايى ەلەكتروندى كارتوچكالارى بار پارلامەنتشىلەردى عيماراتقا كىرگەندە مەتالل ىزدەۋىشپەن جانە ينفراقىزىل ءتىنتۋ قۇرالدارىمەن تەكسەرۋدەن بوساتۋ كوزدەلگەن.

بۇل شەشىمدى اۆستراليالىق بيلىك وكىلدەرى قاۋىپسىزدىك شارالارىنا جۇمسالاتىن شىعىنداردى ازايتۋ جانە قىزمەتكەرلەردىڭ پارلامەنت عيماراتىنا كىرۋىن جىلدامداتۋ ماقساتىندا قابىلداعان ەدى.

سوڭعى جاڭالىقتار