قاراعاندى ستۋدەنتتەرى بيوليموناد ءوندىرىپ شىعاردى
كاسىپورىن ءوز كەزەگىندە بولاشاق حيميا عىلىمىنىڭ ماماندارىنا قالدىقتان تابىس كوزىن تابۋدى ۇسىنعان. وسىلايشا كادىمگى سارىسۋدان جاڭا سۋسىن پايدا بولادى، دەپ حابارلايدى «حابار» ارناسى.
قارمتۋ ستۋدەنتى بوگدان رەبەكيەۆشانىڭ ايتۋىنشا، سارىسۋدىڭ جاعىمسىز ءدامى بولعاندىقتان ءتۇرلى قوسپالارمەن تاجىريبە جاسالعان. ءبىر ايتا كەتەرلىگى، ونىڭ قۇرامىندا قۇرامىندا زياندى دەپ سانالاتىن ە قۇرامداۋىشى جوق.
جارتى جىل بويى ستۋدەنتتەر جاڭا سۋسىننىڭ قۇرامىن ادام اعزاسىنا پايدالى ەتۋدىڭ جولدارىن ىزدەيدى. كوپتەگەن تاجىريبەلەر جۇرگىزىپ، ساراپتامالار جاسايدى. ىزدەنىمپاز جاستاردىڭ ەڭبەكتەرى ەش كەتپەيدى، جۇمىستىڭ جەمىسىن كورەدى.
«بيوليموناد ورگانيكالىق قىشقىلدار مەن س دارۋمەندەرى باي، قۇرامىندا سارىسۋ، ليمون جانە بال بار. ال ءتاتتى سۋسىننىڭ ادام اعزاسىنا بەرەر پايداسى قانداي؟ بەلگىلى بولعانداي، سۋسىن اس قورىتۋ جۇيەسىن جاقسارتىپ، تىرناق پەن شاشتىڭ وسۋىنە كومەكتەسەدى. ال جازدىڭ ىستىق كۇندەرىندە سالقىنداتىپ ىشسە، ءشولدى قاندىرىپ، اعزانى الدەندىرەدى»، - دەيدى ءتىلشى اينۇر ابديەۆا.
سارىسۋ، بال جانە ليموننان الىنعان سۋسىن 95 گرادۋسقا دەيىنگى تەمپەراتۋرادا شامامەن 20 مينۋتتاي ۋاقىت قايناتىلىپ، كەيىن 40 گرادۋسقا دەيىن سۋىتىلادى. تەك وسىنداي دايىنداۋ ءتاسىلى عانا بيوليمونادتىڭ قۇرامىنداعى بارلىق پايدالى دارۋمەندەردى ساقتاپ قالادى.
بيولوگيا عىلىمدارىنىڭ كانديتاتى لاريسا يۆليەۆانىڭ سوزىنە قاراعاندا، بۇل سۋسىندا ءسۇت اقۋىزىدار، امينقىشقىلدارى مەن ميكروەلەمەنتتەر جانە ماكروەلەمەتتەر كوپ، دەگەنمەن بۇعان قاراماستان قۇنارلىعى از. قۇرامىندا ەشقانداي قوسىندىلار جوق. ءۇش ءتورت كۇننەن كەيىن بارلىق ءسۇت تاعامدارى سىياقتى سۋسىن اشي باستايدى، الايدا ەشقانداي زيانى جوق.
الداعى ۋاقىتتاردا كوپ مولشەرلەردە دايىندالاتىن بيوليموناد ۋنيۆەرسيتەت اسحاناسىندا ساتىلادى. «جاڭا سۋسىن ستۋدەنتتەردىڭ ويلاپ تاپقان ءونىمى بولعاندىقتان، ونىڭ باعاسى باسقا سۋسىندارعا قاراعاندا ارزانىراق بولادى»، - دەيدى ۋنيۆەرسيتەت باسشىلىعى.
