08:22, 28 - مامىر 2014 | GMT +5
ەلباسى جارلىعىمەن ەكى وبلىستىڭ اكىمى قىزمەتىنەن بوساتىلدى
استانا. قازاقپارات - ق ر پرەزيدەنتى نۇرسۇلتان نازاربايەۆتىڭ جارلىقتارىمەن اقمولا وبلىسى، س ق و اكىمدەرى قىزمەتىنەن بوساتىلىپ، ق ر پارلامەنتى سەناتىنىڭ دەپۋتاتى سەرگەي ۆيتاليەۆيچ كۋلاگيننىڭ وكىلەتتىگى توقتاتىلدى.
بۇل تۋرالى اقوردانىڭ باسپاءسوز قىزمەتىنەن حابارلادى.
«مەملەكەت باسشىسىنىڭ جارلىقتارىمەن: سامات ساپاربەك ۇلى ەسكەندىروۆ سولتۇستىك قازاقستان وبلىسىنىڭ اكىمى قىزمەتىنەن؛ باسقا جۇمىسقا اۋىسۋىنا بايلانىستى قوسمان قايىرتاي ۇلى ايتمۇحامەتوۆ اقمولا وبلىسىنىڭ اكىمى قىزمەتىنەن بوساتىلدى؛ باسقا جۇمىسقا اۋىسۋىنا بايلانىستى قازاقستان رەسپۋبليكاسى پارلامەنتى سەناتىنىڭ دەپۋتاتى سەرگەي ۆيتاليەۆيچ كۋلاگيننىڭ وكىلەتتىگى توقتاتىلدى»، - دەلىنگەن حابارلامادا.
