جاڭا اكىمنىڭ ءومىربايانى

استانا. قازاقپارات - مەملەكەت باسشىسىنىڭ جارلىعىمەن ەرىك سۇلتانوۆ سولتۇستىك قازاقستان وبلىسى اكىمى بولىپ تاعايىندالدى.

ەرىك حامزا ۇلى سۇلتانوۆ 1956-جىلى 24-ناۋرىزدا سولتۇستىك قازاقستان وبلىسى شال اقىن اۋدانىندا دۇنيەگە كەلدى.

قاراعاندى پوليتەحنيكالىق ينستيتۋتىن (قازىرگى قاراعاندى مەملەكەتتىك تەحنيكالىق ۋنيۆەرسيتەتى) بىتىرگەن.

1978-1993-جىلدارى «ەكىباستۇزشاحتاقۇرىلىس» كومبيناتىندا قىزمەت اتقارعان. 1993-1994-جىلدارى - ەكىباستۇز قالالىق اكىمشىلىگى باسشىسىنىڭ ءبىرىنشى ورىنباسارى. 1994-1995-جىلدارى - قازاقستان رەسپۋبليكاسى جوعارعى كەڭەسى قۇرىلىس، ساۋلەت جانە تۇرعىن ءۇي-كوممۋنالدىق شارۋاشىلىعى جونىندەگى كوميتەتىنىڭ مۇشەسى، قازاقستان رەسپۋبليكاسى ەڭبەك مينيسترلىگى جانىنداعى ەڭبەك قورعاۋ دەپارتامەنتىنىڭ ءتوراعاسى.

 1995-1996-جىلدارى - «ەكىباستۇزشاحتاقۇرىلىس» وندىرىستىك بىرلەستىگىىنىڭ پرەزيدەنتى. 1996-1998-جىلدارى - مەملەكەتتىك مۇلىكتى باسقارۋ جونىندەگى پاۆلودار اۋماقتىق كوميتەتىنىڭ ءتوراعاسى. 1998-1999-جىلدارى - سولتۇستىك قازاقستان وبلىستىق مەملەكەتتىك مۇلىك جانە جەكەشەلەندىرۋ اۋماقتىق كوميتەتىنىڭ ءتوراعاسى، سولتۇستىك قازاقستان وبلىسى اكىمىنىڭ ورىنباسارى.

 1999-2000-جىلدارى - قازاقستان رەسپۋبليكاسى كولىك جانە كوممۋنيكاتسيالار مينيسترلىگى اۆتوموبيل جولدارى دەپارتامەنتىنىڭ ديرەكتورى. 2000-2001-جىلدارى - قازاقستان رەسپۋبليكاسى كولىك جانە كوممۋنيكاتسيالار مينيسترلىگى اۆتوموبيل جولدارى دەپارتامەنتىنىڭ سىرتقى زايمدار جونىندەگى كونسۋلتانتتارىنىڭ باس ۇيلەستىرۋشىسى.

 2001-2002-جىلدارى - «قازاقاۆتوجول» ر م ك باس ديرەكتورىنىڭ ءبىرىنشى ورىنباسارى. 2002-2004-جىلدارى - قازاقستان رەسپۋبليكاسى كولىك جانە كوممۋنيكاتسيالار مينيسترلىگى اۆتوموبيل جولدارى جانە ينفروقۇرىلىمدىق كەشەندەر قۇرىلىسى كوميتەتىنىڭ ءتوراعاسى. 2004-2005-جىلدارى - قازاقستان رەسپۋبليكاسى كولىك جانە كوممۋنيكاتسيالار مينيسترلىگى كولىك ينفراقۇرىلىمىن دامىتۋ كوميتەتىنىڭ ءتوراعاسى.

 2005-2006-جىلدارى - «قازاق جولقۇرىلىسى» ج ش س- نىڭ باس ديرەكتورى. 2006-2008-جىلدارى - استانا قالاسى اكىمىنىڭ ورىنباسارى، ءبىرىنشى ورىنباسارى قىزمەتتەرىن اتقارعان. 2008-جىلدان باستاپ - «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ قامتاماسىز ەتۋ جونىندەگى ۆيتسە-پرەزيدەنتى.

قازاقستان رەسپۋبليكاسى جوعارعى كەڭەسى 13-شاقىرىلىمىنىڭ دەپۋتاتى بولعان. «قۇرمەت» وردەنىمەن جانە مەدالدارمەن ماراپاتتالعان.

saigez.kz