بايقاۋدا «قازاقپارات» جەڭىمپاز اتاندى
«قاز ۇ ۋ - «قازاقستان ەليتاسىنىڭ شەبەرحاناسى» اتتى بايقاۋدا «قازاقپارات» ح ا ا «اقپاراتتىق قولداۋدىڭ كوشباسشىسى» نوميناتسياسى بويىنشا جەڭىمپاز اتاندى.
«ءال-فارابي اتىنداعى قاز ۇ ۋ، جۋرناليستەر وداعىنىڭ جانە قازاقستان جۋرناليستيكا اكادەمياسىنىڭ قولداۋىمەن ۋنيۆەرسيتەتتىڭ 80 جىلدىعىنا ارنالعان جوعارى وقۋ ورنىنىڭ قىزمەتىن جاريالاۋدا جۋرناليستەر جانە وتاندىق ءارى شەتەلدىك ب ا ق ۇجىمدارى اراسىندا ەڭ ۇزدىك ماتەريالعا بايقاۋ جاريالانعان بولاتىن. 1-اقپان مەن 20-مامىردىڭ اراسىندا ءبىرقاتار ب ا ق اتالعان بايقاۋدا باق سىناستى.
ءىس-شارا ب ا ق نازارىن قازاقستاندىق ءبىلىم بەرۋ جانە عىلىم ماسەلەلەرىنە كوڭىل اۋدارۋعا، وقۋ- اعارتۋ، عىلىمي جانە يننوۆاتسيالىق تۇرعىدان ەلىمىزدىڭ جەتەكشى وقۋ ورنى قىزمەتىن ناسيحاتتاۋدا جۋرناليستەردى قولداۋ بولىپ تابىلادى»، - دەدى ۋنيۆەرسيتەت رەكتورى عالىمقايىر مۇتانوۆ.
ونىڭ ايتۋىنشا، بايقاۋعا قاتىسۋعا ۋنيۆەرسيتەتتىڭ تاريحي جانە مادەني مۇراسى، ءداستۇرى مەن جەتىستىكتەرى، جوعارى وقۋ ورنىنىڭ زاماناۋي قىزمەتى، ونىڭ دامۋ كەلەشەگى تۋرالى مەرزىمدى، ون-لاين باسىلىمداردا نەمەسە تەلە-راديوەفيردە ماتەريال شىعارعان شەتەلدىك، رەسپۋبليكالىق، ايماقتىق بۇقارالىق اقپارات قۇرالدارىنىڭ وكىلدەرى قاتىستى.
ۋنيۆەرسيتەت باسشىسى وسىدان بىرنەشە جىل بۇرىن وسى وقۋ ورنىنان قانات قاققان بىرنەشە تۇلەكتەردى «ءال-فارابي اتىنداعى قاز ۇ ۋ-دىڭ 80 جىلدىعى» مەرەيتويلىق مەدالىمەن ماراپاتتادى. ولاردىڭ ىشىندە ۋنيۆەرسيتەتتى 30 جىل بۇرىن ءتامامداعان «قازاقپارات» ح ا ا الماتىداعى تىلشىلەر قوسىنىنىڭ جەتەكشىسى سارا مۇستافينا دا بار.
اۆتور: گۇلميرا عوسمانالي
