بەلگياعا تەروريزم قاۋپى ءتونىپ تۇر
پوليتسيا بەينەباقىلاۋ كامەرالارىنداعى ۆيدەو مەن قىلمىسكەردىڭ سۋرەتىن عالامتورعا سالىپ قويدى. الايدا ول ءالى كۇنگە دەيىن قولعا تۇسە قويعان جوق.
ونى وسىناۋ قىمىسقا نە يتەرمەلەگەنى بەلگىسىز. تەرگەۋشىلەردىڭ بولجامىنشا، قىلمىسكەر جالعىز ءوزى ارەكەت ەتكەن.
بەلگيالىق قۇقىق قورعاۋ ورگاندارى رەسمي تۇردە تەرورلىق اكتى دەپ تانىلعان بۇل قىلمىس كورولدىك پوليتسەيلەر مەن اسكەريلەرگە قارسى باعىتتالىپ، جالعاسىن تابا ما دەپ قاۋىپتەنۋدە.
بەلگيالىق ب ا ق دەرەكتەرىنشە، كالاشنيكوۆ اۆتوماتىمەن ادامدارعا وق جاۋدىرعان قىلمىسكەر ءوز قۇرباندارىن الدىن الا تاڭداعان. باسىلىمداردىڭ اقپاراتىنا قاراعاندا، قازا تاپقان يزرايلدىڭ ەكى ازاماتى يزرايلدىك «موسساد» بارلاۋىنىڭ قىزمەتكەرى بولۋى مۇمكىن. ولار بريۋسسەلگە تەرگەۋ امالدارىن جۇرگىزۋ ءۇشىن ءوز ساراپشىلارىن جىبەرگەن.
قازاقپارات بۇرىن حابارلاعانداي، ەۋروپارلامەنتتەگى سايلاۋ مەن بەلگياداعى پارلامەنتتىك سايلاۋعا ءبىر كۇن قالعاندا، سەنبى كۇنى ەۋروپالىق مۇراجايدا اتىس بولدى.
