ن. نازاربايەۆ الماتى قالاسىن ەۋرازيالىق ەكونوميكالىق وداقتىڭ قارجىلىق ورتالىعى رەتىندەگى قالىپتاستىرۋدى ۇسىندى
«ءبىز ەۋرازيالىق ەكونوميكالىق كوميسسيا ماسكەۋدە ورنالاسادى جانە وداقتىڭ ورتالىعى بولادى دەپ كەلىستىك. ارينە، باسقا دا ۇسىنىستار بولدى. ال مينسكتە ەۋرازيالىق سوت ورنالاسادى، وندا ءبىزدىڭ وداقتىڭ قۇقىقتىق ماسەلەلەرى شەشىمىن تابادى. ال الماتىدا 2025 -جىلدان باستاپ وداقتىڭ قارجى نارىعىن رەتتەيتىن مەملەكەت ءۇستى ورگانى ورنالاسادى» ، - دەي كەلە ن. نازاربايەۆ ءوز ۇسىنىسىن العا تارتتى.
«مەن وداقتىڭ قارجى نارىعىن رەتتەۋشى ورگاننىڭ قۇرىلۋىن كۇتپەستەن- اق الماتىنىڭ ەۋرازيالىق ەكونوميكالىق وداقتىڭ قارجى ورتالىعى رەتىندە قالىپتاستىرا بەرۋدى ۇسىنامىن» ، - دەدى ن. نازاربايەۆ.
ەسكە سالا كەتەيىك، وتىرىستىڭ كەڭەيتىلگەن قۇرامداعى كەزدەسۋىنە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ، رەسەي فەدەراتسياسىنىڭ پرەزيدەنتى ۆلاديمير پۋتين، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو جانە ارمەنيا پرەزيدەنتى سەرج سارگسيان مەن قىرعىز رەسپۋبليكاسىنىڭ پرەزيدەنتى المازبەك اتامبايەۆ قاتىسۋدا.
اۆتور: قانات مامەتقازى ۇلى
