ەۋرازيالىق ەكونوميكالىق وداقتا مەملەكەتتەردىڭ ەگەمەندىك تەڭدىگى، تەرريتوريالىق تۇتاستىعىن قۇرمەتتەۋ قامتىلىپ وتىر - ن. نازاربايەۆ
«ءبىز ەۋرازيالىق ەكونوميكالىق وداق تۋرالى شارتتى ازىرلەۋ بويىنشا اۋقىمدى جۇمىستى ءتامامدادىق. وعان قول قويۋ ەۋرازيالىق كەڭىستىكتەگى ساپالى ينتەگراتسيالىق ۇدەرىستەردىڭ جاڭا كەزەڭىن بىلدىرەدى. شارت ساۋاتتى، تەڭگەستىرىلگەن، وعان قاتىسۋشى مەملەكەتتەردىڭ بارلىعىنىڭ مۇددەلەرىن ەسەپكە الا وتىرىپ جاسالدى. اۋقىمدى جۇمىس اتقارىلدى. كەلىسپەۋشىلىكتەر دە بارشىلىق بولعانىمەن، ءبىز بارلىق تاراپتاردى قاناعاتتاندىراتىن ورتاق كونسەنسۋسقا كەلىپ وتىرمىز» ، - دەدى ق ر پرەزيدەنتى ن. نازاربايەۆ.
ەلباسىنىڭ ايتۋىنشا، شارتتا حالىقارالىق ۇيىمداردا كورىنىس تاباتىن بارلىق بازالىق اسپەكتىلەر قاراستىرىلعان. «مەملەكەتتەردىڭ ەگەمەندىك تەڭدىگى، تەرريتوريالىق تۇتاستىعى، سونداي- اق، وداققا قاتىسۋشى مەملەكەتتەردىڭ ساياسي قۇرىلىمىن قۇرمەتتەۋ قامتىلىپ وتىر. ونىڭ ىشىندە بارلىق دەڭگەيدەگى شەشىم قابىلداۋلاردا كونسەنسۋس قاعيداتىنىڭ ەنگىزىلۋى ماڭىزدى بولىپ تابىلادى. وسىلايشا، ءاربىر ەلدىڭ داۋىسى ايقىنداۋشى باسىمدىققا يە بولىپ تابىلادى» ، - دەدى ن. نازاربايەۆ.
ەسكە سالا كەتەيىك، وتىرىستىڭ شاعىن قۇرامداعى كەزدەسۋىنە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ، رەسەي فەدەراتسياسىنىڭ پرەزيدەنتى ۆلاديمير پۋتين جانە بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو قاتىسۋدا.
اۆتور: قانات مامەتقازى ۇلى
