ۆيتسە- سپيكەر د. نازاربايەۆا مالايزيا مەن يوردانيانىڭ ەلشىلەرىن قابىلدادى

 استانا. قازاقپارات - بۇگىن پارلامەنت ءماجىلىسى ءتوراعاسىنىڭ ورىنباسارى داريعا نازاربايەۆا مالايزيانىڭ جانە يوردانيانىڭ قازاقستانداعى ەلشىلەرى داتو حيدايات ءابدۋل حاميد جانە سلايمان ارابياتتى قابىلدادى.

 شەتەلدىك ديپلوماتتارمەن اڭگىمە بارىسىندا ەكىجاقتى قارىم- قاتىناستىڭ بۇگىنى مەن بولاشاعى تالقىعا ءتۇستى. بۇل تۋرالى ءماجىلىستىڭ باسپا ءسوز قىزمەتىنەن حابارلاندى.

 اڭگىمە بارىسىندا ۆيتسە- سپيكەر مالايزيالىق ەلشىنى قىزمەتكە تاعايىندالۋىمەن قۇتتىقتاي وتىرىپ، مالايزيا پرەمەر- ءمينيسترى رازاك مىرزانىڭ استانالىق ەكونوميكالىق فورۋم اياسىندا قازاقستانعا جاساعان رەسمي ءىس ساپارى ەكىجاقتى قاتىناستىڭ دامۋىنا، سونىمەن بىرگە، حالىقارالىق ۇيىمدارداعى بىرلەسكەن ىنتىماقتاستىققا تىڭ سەرپىن بەرەتىنە توقتالىپ ءوتتى. جۇزدەسۋدە سونداي- اق، «بولاشاق ەنەرگياسى» تاقىرىبىمەن استانادا وتەتىن «ەكسپو-2017» حالىقارالىق كورمەسىنە دە نازار اۋدارىلدى.

 ءتۇرلى حالىقارالىق ۇيىمدار مەن ايماقتىق قۇرىلىمدار اياسىندا ءوزارا ءىس- قيمىلدى نىعايتۋ يوردانيالىق ەلشىمەن جۇزدەسۋ بارىسىندا دا نازاردان تىس قالمادى. سلايمان ارابياتپەن اڭگىمەدە بۇكىل الەمدە يادرولىق قارۋدى تاراتپاۋ جانە يادروسىز ايماق قۇرۋعا قاتىستى سىرتقى ساياسي بەيبىت باستامالاردىڭ ماڭىزدىلىعى دا تىلگە تيەك ەتىلدى.

 سونىمەن قاتار، پارلامەنتتىك ينتەگراتسيانىڭ، اتاپ ايتاتىن بولساق، ىنتىماقتاستىق جونىندەگى پارلامەنتارالىق توپتار تۇرىندەگى بايلانىستىڭ وزەكتىلىگى ءسوز ەتىلدى.

كەزدەسۋگە حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ماۋلەن اشىمبايەۆ قاتىستى.

 

اۆتور: قانات مامەتقازى ۇلى