الەمدەگى ەڭ العاشقى ۇشاق
1903 -جىلى 17 - جەلتوقساندا العاشقى ۇشاقتىڭ كوككە سامعاعانى تاريحتا التىن ارىپتەرمەن جازىلدى. كەيىنگى ون جىلدا ولار ۇشاقتىڭ بارلىق مۇمكىندىكتەرىن دامىتىپ، زاماناۋي كەيىپكە كەلتىرۋگە تىرىستى.
ورۆيلل جاڭا زاتتاردى قۇراستىرۋعا قۇمار بولاتىن. ال بۇل قۇلشىنىس ءىنىسى ەكەۋىن جاڭا جوباعا يتەرمەلەيدى. 1889 - جىلى ولار باسپا قۇرالىن قۇراستىرىپ، ءبىراز ۋاقىت كۇندەلىكتى گازەتتى باسپادان شىعارۋمەن اينالىسادى. ال 1892 -جىلى ۆەلوسيپەد مودەلىن قۇرامداپ، جەكە دۇكەندەرىن اشادى. بۇل وتە ءساتتى بيزنەس بولدى جانە ولاردىڭ ءارى ديزاينەر، ءارى ينجەنەر رەتىندە بىلىكتىلىگىن ارتتىردى.
جاڭا عاسىردىڭ باسىندا ۇشۋدىڭ مۇمكىندىكتەرىنە قىزىعۋشىلىق پايدا بولادى. وسىلاي اعايىندى رايتتار العاشقى مەحانيكالىق ۇشۋ اپپاراتىن جاساۋعا كىرىسىپ كەتەدى. ولار جاڭا قۇرىلعىنىڭ ءارى قۋاتتى، ءارى جەڭىل، ءارى باسقارۋ جابدىعىنىڭ قاراپايىم بولۋىنا اسا كوپ كوڭىل بولەدى.
تاجىريبە ورنى رەتىندە سولتۇستىك كارولينانىڭ كيتتي حوۋك دەگەن جەلدى ايماعى تاڭدالىپ الادى. باستى سەبەپ جەلدىڭ ۇشاق تەكتى قۇرىلعىعا دەمەۋ بولۋى ەدى.
اعايىندى رايتتاردىڭ العاشقى كوككە سامعاۋى
1903 - جىلى 17 - جەلتوقساندا اعايىندى رايتتار تۇڭعىش ۇشاقتىڭ جوباسىن اياقتاپ، ونى ءىس جۇزىندە تەكسەرىپ كورەدى. ورۆيلل العاشقى ۇشقىش بولادى. ال ينجەنەر- قۇراستىرۋشى ۋيلبەر بولادى. سول ءبىر تاريحي ۇشاق «ۇشقىش» دەپ اتالعان. ورۆيلل 10,9 كم/ساع. جىلدامدىقپەن كوكتە 12 سەكۋند (37 مەتر بيىكتىكتە) سامعايدى. كەلەسى ارەكەتتەر ودان دا جوعارى ناتيجەلەردى كورسەتەدى.
اعايىندى رايتتاردىڭ جەتىستىكتەرى
1903 - العاشقى وڭ ناتيجە
1905 - كوكتە جارتى ساعات ۇزدىكسىز ۇشا الاتىن كوپ قۇرىلىمدى ۇشاقتى جاسايدى.
1908 - ورۆيلل رايت ا ق ش- تىڭ ۆيردجينيا شتاتىندا اسكەري كۇشتەردىڭ باقىلاۋىندا ۇشاقتىڭ اسكەري باعىتتا قولدانىلۋ مۇمكىندىكتەرىن كورسەتەدى.
1908 - ۋيلبەر لا مانش بۇعازىندا 100 رەتتەن استام ۇشىپ، تاجىريبە جاسايدى. جەلتوقساننىڭ 31 - كۇنى اسپاندا ەڭ كوپ سامعاعان ۇشاقتىڭ ۋاقىتى تىركەلەدى: 2 ساعات، 19 مينۋت.
ولاردىڭ 1903 - جىلى جاڭا مەحانيكالىق قۇرىلعىنى پاتەنتتەۋگە ءوتىنىشى قابىلدانباي قالادى. دەگەنمەن، ولار جوبانى ودان ءارى جەتىلدىرىپ، كەيىنىرەك پاتەنتكە يە بولادى.
قازىرگى كۇندە رايتتاردىڭ «ۇشقىشى» ا ق ش استاناسى ۆاشينگتون قالاسىنداعى ۇلتتىق اۋە جانە عارىش مۇراجايىندا كورمەگە قويىلعان.
دايىنداعان: جولداس ورىسبايەۆ
massaget
