الماتىلىق ۇيلەردە قاسقىرلار ءجۇر
كورشىلەرىن قاۋىپسىزدىك شارالارى الاڭداتسا، جىرتقىش يەلەرى ۇيرەتىلگەن قاسقىر يتتەن قاۋىپتى ەمەس دەگەن پىكىردە.
قاسقىر اسىراۋشىلاردىڭ ءبىرى ون التى جاستاعى ەرنار بولاتبەك «كوكسەرەك» فيلمىن كورگەن، اڭگىمەسىن دە وقىعان. ەرنار دا، باس كەيىپكەر قۇرماش سەكىلدى ۇيىندە ءتۇز تاعىسىن باعۋدى ءجون ساناپتى. قاسقىردىڭ جىرتقىش ەكەنىن بىلەدى، ءبىراق دەگەنىنەن قايتپاعان.
ال ق ر اۋىر اتلەتيكا فەدەراتسياسىنىڭ پرەزيدەنتى قايرات تۇرلىحانوۆ ۇيىندەگى ۇرعاشى قۇرتقاسىنا ەركەلەتىپ «اگۋشا» دەگەن اتاۋ بەرىپتى. جانۋاردان ەشتەڭەسىن ايامايدى. الما دا بەرەدى، كامپيت تە جەگىزەدى.
«مەن بۇل قاسقىردى كوزىن اشپاي تۇرىپ اسىراپ الدىم. ەشتەڭە جەمەيتىن، سول كەزدە ءسۇت بەرەتىنمىن. الىس جولعا شىقسام دا ءبىر ەلى قاسىمنان تاستامايتىنمىن» ، - دەيدى قايرات تۇرلىحانوۆ.
قايرات بولات ۇلىنىڭ ماقساتى 5 جاستاعى «اگۋشانى» بەلگيالىق وۆچاركامەن بۋدانداستىرىپ، شەكارا، كەدەن قىزمەتىنە ارنالعان كاسىبي يت شىعارۋ ەكەن.
