مارات تاجينگە رەسەي عىلىم اكادەمياسىنىڭ شەتەلدىك اكادەميگى ديپلومى تاپسىرىلدى

استانا. قازاقپارات - قازاقستاننىڭ رەسەيدەگى ەلشىسى م. تاجينگە رەسەي عىلىم اكادەمياسىنىڭ شەتەلدىك اكادەميگى ديپلومى تابىس ەتىلدى، دەپ حابارلايدى ق ر سىرتقى ىستەر مينيسترلىگىنىڭ باسپا ءسوز قىزمەتى.
None
None

 كەشە، 26 -مامىردا ماسكەۋدە قازاقستان رەسپۋبليكاسىنىڭ رەسەي فەدەراتسياسىنداعى ەلشىسى مارات ءتاجين رەسەي جاراتىلىستانۋ عىلىمدارى اكادەمياسىنىڭ قۇرمەتتى شەتەلدىك اكادەميگى اتاعىنا يە بولدى.

ديپلومدى تابىس ەتۋ ءراسىمى رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ عيماراتىندا ءوتتى.

رەسەي جاراتىلىستانۋ عىلىمدارى اكادەمياسىنىڭ ءبىرىنشى ۆيتسە- پرەزيدەنتى ليديا يۆانيتسكايا ماراپاتتاۋ ءراسىمى بارىسىندا قازاقستاندىق- رەسەيلىك ىنتىماقتاستىقتىڭ جوعارى دەڭگەيىن اتاپ ءوتىپ، وسى ۇدەرىستە عىلىمنىڭ ەرەكشە ورىن الاتىنىنا نازار اۋداردى. ونىڭ پىكىرىنشە، م. تاجينگە بەرىلگەن شەتەلدىك اكادەميك اتاعى، ەلشىنىڭ ەكى ەل عالىمدارىنىڭ قاۋىمداستىعى اراسىنداعى بايلانىستاردى نىعايتۋعا، سونداي- اق دوكتور جانە اكادەميك اتاقتارى بار قازاقستاندىق ديپلوماتتىڭ سوتسيولوگيا عىلىمىن دامىتۋعا تيگىزگەن زور ۇلەسىنىڭ بەلگىسى.

«بۇگىنگى وقيعا بىرىنشىدەن مەملەكەت باسشىلارى نۇرسۇلتان ءابىش ۇلى نازاربايەۆ جانە ۆلاديمير ۆلاديميروۆيچ پۋتين بەلگىلەيتىن قازاقستاندىق- رەسەيلىك بايلانىستاردىڭ اۋقىمى مەن تەرەڭدىلىگىنىڭ كورىنىسى. مەن وسىندا، ەلباسىنىڭ لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە جاقىندا وقىعان ەۋرازيالىق ىقپالداستىقتىڭ دامۋىنا ارنالعان ءدارىسى بارىسىندا ايتقانداي، عالىمدار قاۋىمداستىعى مەن رەسەي قوعامى ەۋرازيا ەكونوميكالىق وداعى يدەياسىن قولدايتىنىن كورىپ وتىرمىن» ، - دەپ اتاپ ءوتتى م. ءتاجين.

سوڭعى جاڭالىقتار