قازاقستاندىق «ازيا» توبىنىڭ ءانشىسى جول كولىك اپاتىنا ۇشىرادى
دارىگەرلەر شۇعىل تۇردە قان كەرەك دەگەندىكتەن، رەناتتىڭ جاقىندارى مەن ونەردەگى ارىپتەستەرى حالىقتان كومەك سۇرادى.
جۇما كۇنى كەشكە ونەر جۇلدىزدارى بىرىنەن- سوڭ ءبىرى الەۋمەتتىك جەلىلەرگە شۇعىل تۇردە 4- توپتاعى قان كەرەكتىگىن جازا باستادى. وسىلايشا حالىق رەنات باسيتتىڭ اپاتقا ءتۇسىپ، جاعدايىنىڭ ناشار ەكەندىگىن عالامتوردان ءبىلدى.
ونىڭ پاراقشاسىنا ساۋىعىپ كەتۋىن تىلەيتىن مىڭداعان كەلتە حاتتار كەلدى. بالقاشتا بەينە بايان تۇسىرۋگە كەتكەن «ازيا» توبى جۇما كۇنى كەرى قاراي الماتىعا جولعا شىققان. رەناتتىڭ كولىگىندە «ازيا» توبىنىڭ مۇشەسى نۇرسۇلتان، كليپكە تۇسكەن اكتريسا ءازيزا، بەت ارلەۋشى مەن شاش جاسايتىن مامان بولعان ەدى. ال، توپتىڭ تاعى ءبىر مۇشەسى ەربول ارتتارىنان باسقا كولىكپەن كەلە جاتقان.
ەربولدىڭ ايتۋىنشا، كولىك تىزبەكتەلىپ كەلە جاتقان 4-5 كامازدىڭ بىرىنە سوعىلىپ، كولىكتىڭ سول جاعىمەن قاتتى سىرىپ وتكەن. ناتيجەسىندە كولىكتىڭ رەنات وتىرعان جاعى تۇگەل جۇلىنىپ كەتتى دەيدى ول. قازىر ەكى وتانى امان- ەسەن وتكەرگەن رەنات پەن ءازيزانىڭ جاعدايى قالىپتى. ولار كوزدەرىن اشىپ، بۇگىننەن باستاپ تاماقتانا باستادى دەيدى ەربول ءشارىپوۆ. ايتا كەتەيىك، رەنات باسيتوۆ اق ءتۇستى دجيپ كولىگىن اپاتقا تۇسپەستەن ءبىر كۇن بۇرىن ساتىپ العان ەدى.
«31-ارنا»
