09:54, 27 - مامىر 2014 | GMT +5
شۇعىلا ساپارعالي قىزىنىڭ شىعارماشىلىق كەشى وتەدى
استانا. قازاقپارات - قازاق ءبيىنىڭ حاس شەبەرى شۇعىلا ساپارعالي قىزى شىعارماشىلىق كەشىنە قىزۋ دايىندىق ۇستىندە. 10 -جىل بويى كونتسەرت بەرمەگەن ءبيشى كورەرمەندەرىمەن ساعىنا قاۋىشپاق.
ءبيشىنىڭ كوپتەن كۇتكەن كەشى 28 - مامىر الماتىدا، 3 - ماۋسىم استانادا وتەدى دەپ جوسپارلانۋدا.
بۇگىندە شۇعىلا ساپارعالي قىزىنىڭ ءار كۇنى قىزۋ دايىندىقپەن وتۋدە. ءبيشى كورەرمەندەردى بىرنەشە جاڭا بي قويىلىمدارىمەن قۋانتىپ، انىمەن تاڭقالدىرماق. شەتەلدىكتەردى مويىنداتقان شۇعىلا «ءاۋ دەمەيتىن قازاق جوق» سوندىقتان كونتسەرتكە كەلگەن جۇرت مەنىڭ اندەرىمدى دە تىڭداپ قايتادى دەيدى ول. بىرنەشە بولىمنەن تۇراتىن كەشتە شۇعىلانىڭ وقۋشىلارى دا ونەر كورسەتەتىن بولادى.
«31-ارنا»
