قىتاي عارىشكەرلەرىن دامدەۋىش قوسىلعان قۇرتپەن تاماقتاندىرماق

 استانا. قازاقپارات - بەيجىڭ اۆياتسيا جانە عارىش ۋنيۆەرسيتەتىنىڭ قىزمەتكەرلەرى باتىل سىناق وتكىزدى. ولار ءۇش اي بويى ادامداردى ءتۇرلى دامدەۋىش قوسىلعان قۇرتپەن تاماقتاندىرعان.

 زەرتتەۋشىلەر بۇل عارىش ساپارى كەزىندە تاپتىرمايتىن تاعام دەگەن تۇجىرىمعا كەلدى، دەپ حابارلايدى South China Morning Post .

 ەكى ايەل مەن ءبىر ەر ادام 12 اپتا قۇرتپەن بىرگە گەرمەتيكالىق كاپسۋلامەن تاماقتانعان. بۇل ەكسپەريمەنتتىڭ مىندەتى اقۋىزعا باي ديەتانى عارىشتىق ساپار ۋاقىتىندا پايدالانۋعا بولا ما، جوق پا ەكەنىن انىقتاۋ بولدى.

«ب ۇ ۇ اشىققان ەلدەردە قۇرتتار مەن جاندىكتەردى پايدالانۋدى كوپتەن بەرى ۇسىنۋدا. ءبىز بۇل يدەيانى ءوز قاجەتىمىزگە بەيىمدەۋدى بايقاپ كورگىمىز كەلدى» ، - دەپ مالىمدەدى وسى سىنامانى ۇيىمداستىرۋشىلاردىڭ ءبىرى.

 الايدا «قۇرت ديەتاسىنىڭ» وڭ ناتيجەسىنە قاراماستان، ولاردىڭ باتىستاعى ارىپتەستەرى بۇل جاڭالىقتى قۇپتاعان جوق. «ءبىزدىڭ پىكىرىمىزشە، بۇل اقپاراتتى حالىققا تاراتۋ جۇرتشىلىق الدىندا عارىشكەرلەردى كەمسىتۋمەن تەڭ ءارى ولاردىڭ ومىرلەرىنە قاۋىپتى ميسسياسىنىڭ ءمانىن تومەندەتەدى» ، دەدى ەۋروپالىق عالىمدار.

 بۇدان بۇرىن ب ۇ ۇ وكىلدەرى شەگىرتكە، شىبىن- شىركەي مەن قوڭىزدار كەلەشەكتىڭ اسى دەپ بىرنەشە رەت مالىمدەگەن بولاتىن.