قىتاي پوليتسياسى شىنجاڭدا بەس لاڭكەستى ۇستادى

بەيجىڭ. قازاقپارات - قىتايدىڭ قۇقىق قورعاۋ ورگاندارى ق ح ر-دىڭ سولتۇستىك-باتىسىنداعى شىنجاڭ - ۇيعىر اۆتونوميالىق ولكەسىندە تەررورلىق توپتىڭ بەس مۇشەسىن ۇستادى.

بۇل تۋرالى شينحۋا اگەنتتىگى پوليتسيا مالىمەتتەرىنە سىلتەمە جاساپ حابارلادى.

دۇيسەنبى كۇنى حوتان قالاسىندا جۇرگىزىلگەن ارنايى شارا ناتيجەسىندە پوليتسەيلەر 1,8 تونناعا جۋىق جارىلعىش زاتتاردى تاركىلەدى.

وسىعان دەيىن شىنجاڭ- ۇيعىر اۆتونوميالىق ولكەسىندە پوليتسيا مامىر ايىندا تەررورلىق لاڭكەستىك پەن ءدىني ەكسترەميزمگە قاتىسى بار 23 ۇيىمدى جويىپ، 200 دەن استام كۇدىكتىنى قۇرىقتادى.

بۇل توپتار حوتان، قاشعار جانە اقسۋدا انىقتالعان.

وتكەن بەيسەنبىدە شىنجاڭ-ۇيعىر اۆتونوميالىق ولكەسىنىڭ اكىمشىلىك ورتالىعى ءۇرىمجى قالاسىندا سوڭعى ۋاقىتتاعى قىتاي اۋماعىندا ورىن العان ءىرى لاڭكەستىك وقيعاسى بولدى. تەرروريستەردىڭ شابۋىلىنان قازا بولعاندار سانى 39 عا جەتتى، تاعى 86 ادام جاراقاتتاندى.