الەمدەگى ەڭ سالماعى اۋىر ەر ادام قايتىس بولدى

استانا. قازاقپارات - 2006 - جىلى الەمدەگى ەڭ سەمىز ەر ادام رەتىندە گيننەستىڭ رەكوردتار كىتابىنا ەنگەن مەكسيكالىق مانۋەل ۋريبە 26 - مامىر كۇنى، 48 جاسقا قاراعان شاعىندا قايتىس بولدى.

Associated Press حابارلاعانداي، ول 2 - مامىر كۇنى اريتميامەن اۋرۋحاناعا تۇسكەن كورىنەدى. مانۋەل ۋريبەنى اۋرۋحاناعا اپارۋ ءۇشىن كران كەرەك بولعان. ونىڭ ءولىمىنىڭ ناقتى سەبەپتەرى ءالى انىقتالعان جوق.

مانۋەل ۋريبە 1965 - جىلى 11 - ماۋسىمدا تۋعان. ول ءجاسوسپىرىم كەزىندە- اق 115 ك گ تارتقان ەكەن. ال 1992 - جىلدان باستاپ، ءوزى ايتقانداي، «شار سەكىلدى قامپايا» باستادى. 2002 - جىلدىڭ جازىنان باستاپ ول سىرتقا شىعا المايتىن بولعاندىقتان، ونى اناسى مەن دوستارى كۇتتى.

2006 - جىلى ول 560 ك گ سالماقپەن گيننەستىڭ رەكوردتار كىتابىنا ەندى.

قايتىس بولار الدىندا مانۋەل ۋريبەنىڭ سالماعى 394 ك گ بولعان.