22:15, 26 - مامىر 2014 | GMT +5
قىسقى وليمپيادانى وتكىزۋ تارتىسىندا الماتىنىڭ تاعى ءبىر باسەكەلەسى باس تارتۋى مۇمكىن
استانا. قازاقپارات - 2022 - جىلعى قىسقى وليمپيادا ويىندارىن وتكىزۋدە الماتىنىڭ باستى باسەكەلەستەرىنىڭ ءبىرى پولشالىق كراكوۆ ءوزىنىڭ كانديداتۋراسىنان باس تارتۋى مۇمكىن.
بۇنداي شەشىمدى قالانىڭ كوپشىلىك تۇرعىندارى قابىلدادى. رەفەرەندۋمعا قاتىسقانداردىڭ 69,72 پايىزى وليمپيادانى وتكىزۋگە قارسى پىكىر بىلدىرگەن.
وسى رەفەرەندۋمعا ادامداردىڭ قاتىسۋ دەڭگەيى 35,96 پايىزدى قۇراعان، ال ويىنداردى وتكىزۋ تۋرالى شەشىمدى قابىلداۋ ءۇشىن كورسەتكىش 30 پايىزدان كەم بولماۋى ءتيىس بولدى. الايدا كراكوۆتىڭ ءوتىنىمىن الىپ تاستاۋ جونىندە رەسمي حابارلانعان جوق.
وسى ارقىلى الماتىنىڭ باسەكەلەستەرى رەتىندە وسلو(نورۆەگيا) ، لۆوۆ (ۋكراينا) جانە بەيجىڭ (قىتاي) قالىپ وتىر. 2022 - جىلداعى وليمپيادا ويىندارىنىڭ استاناسى 2015 - جىلى جازدا مالايزيادا حابارلانباق، دەپ جازادى Vesti.kz.
اۆتور: رۋسلان عابباسوۆ
