قازاقستان، رەسەي جانە ۋكراينا ۇلتتىق عارىش ۆەدومستۆولارى ءۇشجاقتى كەزدەسۋ وتكىزدى

 استانا. قازاقپارات - قازاقستان، رەسەي جانە ۋكراينا ۇلتتىق عارىش ۆەدومستۆولارى وكىلدەرىنىڭ ءۇشجاقتى كەزدەسۋى ءوتتى. بۇل تۋرالى قازعارىشتىڭ باسپا ءسوز قىزمەتىنەن حابارلاندى.

ەستەرىڭىزگە سالا كەتەيىك، جاقىندا ق ر ۇلتتىق عارىش اگەنتتىگىنىڭ ءتوراعاسى تالعات مۇسابايەۆ بەرلين قالاسىندا (گەرمانيا) وتكەن «ILA - 2014» حالىقارالىق اۆياتسيالىق- عارىشتىق سالونىنىڭ جۇمىسىنا قاتىستى.

 سونىمەن قاتار، اتالعان ءىس- شارانىڭ اياسىندا قازعارىش باسشىسى جەتەكشى الەمدىك عارىش اگەنتتىكتەرى مەن شەتەل كومپانيالار باسشىلىعىمەن ءبىرقاتار كەزدەسۋلەر وتكىزدى.

 «بۇعان قوسا، قازاقستان، رەسەي جانە ۋكراينا ۇلتتىق عارىش ۆەدومستۆولارى وكىلدەرىنىڭ ءۇشجاقتى كەزدەسۋى بولىپ ءوتتى. قازاقستاندىق دەلەگاتسيانى قازعارىش ءتوراعاسى تالعات مۇسابايەۆ باستادى، ۋكرايندىق تاراپتان كەزدەسۋگە ۋكراينانىڭ مەملەكەتتىك عارىش اگەنتتىگىنىڭ باسشىسى يۋريي الەكسەيەۆ، رەسەي تاراپىنان ر ف فەدەرالدى عارىش اگەنتتىگىنىڭ باسشىنىڭ ورىنباسارى - ستاتس- حاتشىسى دەنيس لىسكوۆ قاتىستى. كەلىسسوزدەر بارىسىندا تاراپتار «بايقوڭىر» عارىش ايلاعىندا «زەنيت» ز ت- نىڭ نەگىزىندە «بايتەرەك» عارىشتىق زىمىران كەشەنىن قۇرۋ جوباسىن جۇزەگە اسىرۋ اياسىندا ىنتىماقتاستىق ماسەلەلەرىن تالقىلادى» ، - دەلىنگەن حابارلامادا.

 بۇدان بۇرىن حابارلانعانداي، وسى ايدىڭ باسىندا ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق عارىش اگەنتتىگىنىڭ ءتوراعاسى «بايتەرەك» عارىشتىق زىمىراندىق كەشەنىن (ع ز ك) «زەنيت» زىمىران- تاسىعىشى جۇمىسىنا كوشىرۋ ءۇشىن ءۇش مەملەكەت اراسىندا كەلىسسوزدەر جۇرگىزىلۋى ءتيىس ەكەنىن جەتكىزگەن بولاتىن.

«قازىرگى كەزدە «بايتەرەك» ع ز ك- نى قۇرۋ جوباسىن ۋلى وتىن كومپونەنتتەرىن قولدانبايتىن «زەنيت» زىمىران- تاسىعىشى بازاسىندا جۇزەگە اسىرۋ جوسپارلانۋدا. اتالعان جوبانى بىلتىرعى جىلدىڭ سوڭىندا قازاقستان مەن رەسەي مەملەكەت باسشىلارى ماقۇلدادى» ، - دەپ توقتالعان اگەنتتىك باسشىسى، «بايقوڭىر» كەشەنى بويىنشا 2013 - جىلعى 28 - ناۋرىزداعى قازاقستان- رەسەي ۇكىمەتارالىق كوميسسياسىنىڭ ءبىرىنشى وتىرىسىندا قازعارىشتىڭ روس كوسموسپەن كەلىسە وتىرىپ، «بايتەرەك» ع ز ك- نى بىرتىندەپ «زەنيت» زىمىران- تاسىعىشىنا كوشىرۋ كەزەڭدىك تەتىگى كەلىسىلگەنىن ەسكە سالىپ ءوتتى.

«الايدا بۇل جوبانى ءتيىمدى جۇزەگە اسىرۋ ءۇشىن قازاقستان، رەسەي جانە ۋكراينا ەلدەرىنىڭ ءۇشجاقتى ىنتىماقتاستىعى قاجەت. وسىعان بايلانىستى، بارلىق ءۇش مەملەكەتتىڭ عارىشتىق ۆەدومستۆولارى باسشىلارىنىڭ كەزدەسۋىن ۇيىمداستىرۋ بويىنشا جۇمىستار جوسپارلانۋدا. بۇل باعىتتاعى جۇمىستار جۇرگىزىلۋدە» ، - دەدى ت. مۇسابايەۆ.

اۆتور: رۋسلان عابباسوۆ